ފިލްމް އެއް ކުޅެން ނަގާއިރުގައި މިހާރު ބޮޑަށް ބަލަނީ މޮޅު ސްކްރިޕްޓް އަށް ކަމަށް ކާމިޔާބު ފިލްމް ތަކެއް ކުޅެފައިވާ ބަތަލާ ކަރީނާ ކަޕޫރު ހާން ބުނެފިއެވެ.
އޭނަގެ މިސްޓްރީ ތުރިލާ "ޖާނޭ ޖާން" ގެ ޕްރޮމޯޝަންގެ ތެރެއިން ޕިންކްވިލާ އަށް ފިލްމުގެ ޓީމާ އެކީ ދިން އިންޓަވިއުއްގައި ކާމިޔާބު ފިލްމުތަކެއް ކުޅެފައިވާ 42 އަހަރުގެ ބަތަލާ ބުނީ މިހާރު އެންމެ މުހިއްމު ކަމަކަށް ބަލަނީ މޮޅު ސްކްރިޕްޓްތައް ހޮވަން ކަމަށެވެ.
View this post on Instagram
އަދި މިހާރު ފިލްމުތަކަށް އެއްބަސްވާ އިރު، ވަކި ޖޯންރާއެއްގެ އެއްޗަކަށްވުން މުހިއްމު ނޫން ކަމަށް ވެސް އޭނާ ވަނީ ބުނެފައިއެވެ. އެކްޓަރު ސައިފް އަލީ ޚާންގެ އަންހެނުން ބުނީ ދެން އެންމެ ބޮޑު އިސްކަމެއް ދޭނީ ކުރިން ތަޖުރިބާކޮށްފައި ނުވާ ކަހަލަ ކެރެކްޓާތައް ކުޅެން ކަމަށެވެ.
"މުހިންމީ ސްކަރިޕްޓް. ސްކްރިޕްޓެއްގެ ކޮލިޓީ. އެ ކިޔާލީމަ ވާން ޖެހޭނެ އެއަށް ވަގުތުން އާނއެކޭ ބުނަވޭވަރުގެ އެއްޗަކަށް. މުހިއްމެއް ނޫން ވަކި ޖޯންރާގެ ފިލްމަކަށްވާކަށް. "
ކަރީނާ ބުނީ "ޖާނެ ޖާން" ގައި އޭނާ ކުޅުނީ ވަރަށް ތަފާތު ރޯލެއް ކަމަށެވެ. އަދި އެފަދަ ތަފާތު މޮޅު ރޯލުތަކަށް ވަރަށް ދަހިވެފައި ވާކަމަށް ވެސް ބަތަލާ ވަނީ ބުނެފައިއެވެ.
View this post on Instagram
އޭނަގެ އެންމެ ފަހުގެ ފިލްމަކީ އާމިރު ޚާންގެ މިދިޔަ އަހަރުގެ "ލާލް ސިންގް ޗައްޑާ" އެވެ.
