ބޮލީވުޑް ގެ ބަތަލާ ތާބޫ ގެ ކުރިއަށް އޮތް ފިލްމް "ކޫފިޔާ" އަންނަ މަހު 5 ގައި ނެޓްފްލިކްސް އިން ސްޓްރީމް ކުރަން ފަށަން ނިންމައިފިއެވެ.
ލީޑުން ތައްބޫ ފެނުން ކަމުގައި ވިޔަސް ފިލްމުން ބޮލީވުޑްގެ މަޝްހޫރުު ތަރިން ކަމުގައިވާ އަލީ ފަޒަލް އާއި އަޝިޝް ވިދްޔާތީ އަދި ވަމިގާ ގައްބީ ވެސް ފެނިގެންދާނެއެވެ.
ރިޕޯޓްތައް ބުނި ގޮތުގައި، މި ފިލްމުގައި ދައްކާނީ އިންޑިއާގެ ގައުމީ ސަލާމަތާ ގުޅޭ ސިއްރުތައް ބޭރުގެ ބަޔަކަށް ވިއްކަމުން ދިޔަ މީހަކު ހޯދުމަށް އެ ގައުމުގެ ސަރުކާރުގެ ސްޕައި އެޖެންސީ ރޯ އިން ހިންގާ އޮޕަރޭޝަނެއްގެ ތެރެއިން ހިނގާ ކަންތައްތަކެކެވެ.
ފިލްމު ލިޔެ ޑައިރެކްޓް ކޮށްފައި ވަނީ ވިޝާލް ބަރްދުވާޖެވެ. ނެޓްފްލިކްސް އިން ޕްރިމިއާ ކުރާ މި ފިލްމްގެ ތްރެއިލާ މިހާރު ވަނީ އާންމު ކޮށްފައިއެވެ. ވިޝާލް ވަނީ މީގެ ކުރިން ތާބޫގެ ދެ ފިލްމެއް ޑައިރެކްޓުކޮށްފަ އެވެ. އެއީ "ހައިދަރު" އާއި "މަގުބޫލް" އެވެ.
ކޮމެންޓު ފޮނުވާ