މީގެ 23 އަހަރު ކުރިން ރިލީޒްކޮށް، ބެލުންތެރިންގެ ބޮޑު މަގުބޫލު ކަމެއް ހޯދި ފިލްމު "ދަޅުކަން" ގެ ދެވަނަ ބައެއް ގެނެސްދިނުމުގެ މަސައްކަތް ފަށައިފިއެވެ.
މި ފިލްމްގެ ލީޑުން ފެނިގެން ގޮސްފައިވަނީ ސުނިލް ޝެޓީ އާއި ޝިލްޕާ ޝެޓީގެ އިތުރުން އަކްޝޭ ކުމާރުއެވެ. މި ފިލްމް އަކީ މިހާރުވެސް ބެލުންތެރިންގެ މެދުގައި މަގުބޫލު ފިލްމްއެކެވެ. އަދި މި ފިލްމްގެ ލަވަތަކަކީ ވެސް ނުހަނު ހިތްގައިމު ލަވަތަކެކެވެ.
"ދަޅުކަން" ގެ ސީކްއެލްއެއް ހަދަން ނިންމާފައިވާކަން ޑައިރެކްޓަރު ދަރުމޭޝް ދަރުޝަން ޔަގީންކޮށް ދެއެވެ. އަސަރު ގަދަ ލޯބީގެ ފިލްމުގެ ދެވަނަ ބައެއް ހަދަން ނިންމިކަން ކަށަވަރުކޮށް ދީފައި ވަނީ މީގެ ވާހަކަ ދެކެވޭތާ ދެތިން އަހަރު ފަހުންނެވެ.
ބޮލީވުޑް ހަންގާމާ އަށް ދިން އިންޓަވިއުއެއްގައި ދަރުމޭޝް ބުނީ 2000 ވަނަ އަހަރު ރިލީޒްކުރި ފިލްމުގެ ދެވަނަ ބައެއް ހަދަން އޭގެ ޕްރޮޑިުސަރު ރަތަން ޖެއިން ވެސް އެދޭތާ ގިނަ ދުވަސްތަކެއްވެއްޖެ ކަމަށެވެ.
ދެވަނަ ފިލްމުގެ ކާސްޓުގައި ފުރަތަމަ ފިލްމުގެ ލީޑުން ފެނުނު އަކްޝޭ ކުމާރާއި ޝިޕްލާ ޝެޓީ އަދި ސުނިލް ޝެޓީ ހިމެނޭނެތޯ އެހެމުން އޭނާ ބުނީ ކާސްޓުންނާ މެދުގައި އަދި ނުވިސްނާ ކަމަށެވެ.
ބޮލީވުޑް ގައި މި ފަހަކަށް އައިސް ކުރިން ގެނެސްދީފައިވާ ފިލްމް ތަކުގެ ސީކުއަލް އަށް ލިބޭ ތަރުހީބު ވަނީ ވަރަށް ބޮޑުވެފައިއެވެ. އޭގެ އެއް މިސާލަކީ "ގަދަރް 2″ އެވެ. އެހެން ކަމުން ސީކުއަލް ގެ ފޯރި މިހާރު ބޮލީވުޑްގައި ވަނީ ވަރަށް ބޮޑަށް ވަކިހިއްޕައިލައިފައިއެވެ.
"ދަޅުކަން" އަކީ ބަތަލާ ޝިލްޕާގެ ކެރިއަރުގެ އެންމެ ފާހަގަކޮށްލެވޭ މި ފިލްމެވެ. "ދަޅުކަން" ގެ ހާއްސަ ރޯލެއް މަހީމާ ޗައުދަރީ ވެސް ކުޅެފައިވެއެވެ.
