މިހާރު ކުރިއަށްދާ "ވީޑީ 18″ގެ ޝޫޓިންގެ ތެރެއިން އެ ފިލްމުގެ ލީޑު އެކްޓަރު ވަރުން ދަވަންއަށް އަނިޔާވެއްޖެ އެވެ.

ސޯޝަލް މީޑިއާ މެދުވެރިކޮށް އޭނާ އެކަން އިއުލާން ކުރުމުގެ ގޮތުން ވަނީ ވީޑިއޯ އެއް ވެސް ހިއްސާކޮށްފައިއެވެ. ވަރުން ބުނީ ޝޫޓީންގެ ތެރެއިން އޭނާގެ ފަޔަށް އަނިޔާވެފައިވާ ކަމަށާއި ނަމަވެސް އަނިޔާވީ ކިހިނެއް ކަން ހުދު އޭނާ އަށް ވެސް ނޭގޭ ކަމަށެވެ.

އެވީޑިއޯގައި ވަރުން އައިސްޓަބް އަކަށް އެރޭތަށް ވަނީ ފެނިފައިއެވެ. އަނިޔާ ވެފައިވަނީ އޭނާގެ ފަޔަށެވެ. ނަމަވެސް ބެލެވޭ ގޮތުގައި ޝޫޓިން ކުރިއަށް ނުގެންދެވޭ ވަރުގެ އަނިޔާއެއް ވެފައިވާ ކަމަކަށް ނުބެލެވެއެވެ.

މި ފިލްމް ގެ ޑައިރެކްޓަރަކީ ސައުތުގެ މަޝްހޫރު ޑައިރެކްޓާ އެޓްލީއެވެ. އޭނާގެ ބޮލީވުޑް ފިލްމް "ޖަވާން" މިހާރު ސިނަމާތަކުގައި އެބައޮތެވެ. މީ އެޓްލީ ގެ އަލަތު ބޮލީވުޑް ފިލްމއެކެވެ. ފިލްމްގެ ލީޑުން ފެނިގެންދަނީ ޝާހުރުކް ހާންއާއި ނަޔަންތަރާއެވެ.

މި ފިލްމް އަކީ އެޓްލީ އާއެކު ވަރުން ކުރާ ފުރަތަމަ ފިލްމުގެ މަސައްކަތްތައް ބާރު ސްޕީޑުގައި ކުރިއަށްދާއިރު ވަރަށް އަވަހަށް އެ ފިލްމުގެ ޕްރޮމޯއެއް ނުކުންނާނެ ކަމަށް ބެލެވެ އެވެ.