ހެއްވާ މަޖާ ފްރެންޗައިޒް "ވެލްކަމް" ގެ 3 ވަނަ ފިލްމް "ވެލްކަމް ޓު ދަ ޖަންގަލް" ރަސްމީކޮން އިއުލާން ކޮށް އޭގެ ޕޯސްޓަރު ދައްކައިލައިފިއެވެ. މީގެ އިތުރުން ފިލްމްގެ މޯޝަން ޕޯސްޓަރުވެސް ވަނީ ދައްކައިލައިފައިއެވެ.
ބޮޑު ކާސްޓެއް ހިމެނޭ މި ފިލްމްގެ ކާސްޓުގައި އަކްޝޭ ކުމާރުގެ އިތުރުން ރަވީނާ ޓަންޑަން، ސުނިލް ޝެޓީ، ޑިޝ ޕަޓާނީ، އަރުޝަދު ވަރްސީ، ޖެކްލިން ފެނަންޑޭޒް، ސަންޖޭ ދަތު، ޕަރޭޝް ރާވަލް، ތުޝާރު ކަޕޫރް، ޖޯނީ ލީވާ، ރާޖްޕަލް ޔާދާވް، ޝްރެޔަސް ތަލްޕަޅޭ، ކްރުޝްކާ އަބީޝެކް، ކިކީ ޝްރަދާ، ލާރާ ދައްތާ، ޝާރިބު ހާޝިމީ، މުކޭޝް ތިވާރީ އަދި ޒާކިރު ހުސައިން ވެސް ހިމެނެއެވެ.
View this post on Instagram
"ވެލްކަމް 3″ ގައި ވެސް ލީޑު ރޯލު ކުޅޭނީ ފުރަތަމަ ފިލްމުގައި ވެސް ލީޑުން ފެނުނު އަކްޝޭ ކުމާރެވެ. ދެވަނަ ފިލްމުގައި އޭނާ ނޫޅެވެ. މި އަހަރު ކުރީ ކޮޅުގައި މި ފިލްމު އިއުލާންކުރީ އޭގެ ޕްރޮޑިއުސަރު ފިރޯޒް ނަޑިއާޑްވާލާ އެވެ.
2007 ވަނަ އަހަރު "ވެލްކަމް" ގެ ނަމުގައި ރިލީޒް ކުރި މި ފިލްމް އަކީ ވަރަށް ކާމިޔާބު ފިލްމް އެކެވެ. އޭގެ ފަހުން 2015 ވަނަ އަހަރު ރިލީޒްކުރި "ވެލްކަމް ބެކް" ގެ ސީކުއެލްގައި އަނިލް ކަޕޫރާއި ނާނާ ޕަޓޭކަރް އަދި ޕަރޭޝް ރާވަލްގެ އިތުރުން ޝްރޫތީ ހަސަން، ޖޯން އަބްރަހަމް، ޝައިނީ އަހޫޖާ، ޑިމްޕަލް ކަޕާޑިއާ އަދި ނަސީރުއްދީން ޝާހް ވެސް މުހިންމު ރޯލަތަކުން ފެނިގެން ދިއައެވެ.
ފީރޯޒް ނަދިއަދުވާލާ ޕްރޮޑިއުސްކުރާ ފިލްމު "ވެލްކަމް ޓު ދަ ޖަންގަލް" ޑައިރެކްޓަރަކަށް ހަމަޖައްސާފައި ވަނީ މަޝްހޫރު ކޮރިއޮގްރާފަރު އަހުމަދު ޚާނެވެ. ވަރުގަދަ އެކްޝަން ފިލްމުތަކެއް ކަމަށްވާ "ބާގީ 2″ އާއި "ބާގީ 3″ ޑައިރެކްޓަރު އަހުމަދުގެ އެންމެ ފަހުގެ ފިލްމަކީ މިދިޔަ އަހަރުގެ "ހީރޯޕަންތީ 2″ އެވެ.
