މާލޭގެ ރައްޔިތުންނަށް މިސަރުކާރުން ވޯޓު ހޯދުމުގެ ނިޔަތުގައި ނަމަވެސް ދިން އެއްވެސް ގޯއްޗެއް އަތުނުލާނެ ކަމަށާއި، ކޮށްދޭނެ ކަމަކީ ދީފައިވާ ގޯތީގައި އިމާރާތްކޮށް ގެދޮރުވެރިކަން ޔަގީން ކޮށް ދިނުން ކަމުގައި ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވިއެވެ.
ރިޔާސީ ކެމްޕޭންގައި މިރޭ ހެންވޭރު ޖަގަހަ ހުޅުވުމަށްފަހު ވާހަކަފުޅު ދައްކަވަމުން މުއިއްޒު ވިދާޅުވީ މާލެ ސިޓީގައި ދިރިއުޅޭ މާލޭ ރައްޔިތުންނަށް ދިމާވެފައިވާ ބޯހިޔާ ވަހިކަމުގެ މައްސަލައަށް ދާއިމީ ހައްލު ގެެނެސްދެއްވާނެކަމަށެވެ. ވެރިކަން ނިމި ދެވަނަ ދައުރެއް ހޯދުމުގެ ނިޔަތުގައި މިސަރުކާރުން ވޯޓަށް އަމާޒުކޮށްގެން ފަޅުންނާއި ކަނޑުން ދިން ގޯތިތައް މާލޭ ރައްޔިތުންނަށް ބުރަ ނުވާނެ ގޮތަކަށް ގޯތީގަިއގެ އަޅާދީ ދިރިއުޅޭނެނެ ގޮތް ހަދާ ދޭނެކަމަށް މުއިއްޒު ވިދާޅުވިއެވެ.
ގޯތި ދުނިޔެެއަށް ގެނެސްދޭނީވެސް އަޅުގަނޑު. އެންމެ މީހެއް އަތުންވެސް ގޯއްޗެއް ނާތުލާނަން. އަތުނުލާނަމޭ. އަތުނުލާނަމޭ. މިއަންނަނީ ރައީސް ޔާމީން ދަސްކޮށްދިން ތަރައްޤީ ގެނެސްދޭން. ގޯތި ވިޔަސް. ވަޒީފާ ވިޔަސް، ތަރައްޤީގެ މަޝްރޫއުވިޔަސް، ވޯޓަށްޓަކައި ސޮއިކުރި ކުރުމެއް ވިޔަސް އެކަން ކޮށްދޭނަން.
– މުއިއްޒު ވިދާޅުވިއެވެ.
މުއިއްޒު ވިދާޅުވީ މާލޭގައި ގެދޮރުވެރިކަން ނުލިބޭ އެއްވެސް މީހަކު ކުރިއަށް އޮތް ފަސް އަހަރުގައިި ނުހުންނާނެކަމަށެވެ. ހަމަ މިއާއިއެކު މުއިއްޒު ވަނީ މާލޭގެ ޕާކް ކުރުމުގެ މައްސަލަ ހައްލު ކޮށް ގަރާޖު ސިޓީއަށް ސަލާންޖަހަން ޖަހާ ޖެހުންވެސް ނިމުމަކަށް ގެންނަވާނެކަމަށެވެ. އެކަން ކުރުމުގައިވެސް މިސަރުކާރުން ބޮޑު ތަނުން އިހުމާލު ވެފައިވާކަމަށް މުއިއްޒު ވިދާޅުވިއެވެ.
މުއިއްޒު ވަނީ މާލޭގެ ރައްޔިތުންނަށް ކުނީގެ ބުރައަށް ވެފައި އޮތް މައްސަަލައަށްވެސް ހައްލު ގެނެސް ދޭނެކަމަށެވެ. އަދި ވެމްކޯއިން ނަގަމުންދާ ބޮޑު އަގު ކުޑަކޮށް ރައްޔިތުންނަށް ލުއި ގޮތްތަކެއް ފަހި ކޮށްދެއްވާނެކަމަށެވެ.
