ރައްޔިތުންގެ މަޖިލީހުގެ ނޮޅިވަރަމް ދާއިރާގެ މެމްބަރު މުހައްމަދު ނަޝީދު/ މޮސްޓާ ޕްރޮގްރެސިވް ކޮންގްރެސް ކޯލިޝަންގެ ރިޔާސީ ކެންޑިޑޭޓް ޑރ.މުއިއްޒުއަށް ތާއީދުކޮށް، ކެމްޕޭންގައި ޢަމަލީ ގޮތުން ބައިވެރިވާން ފަށައިފިއެވެ.
މޮސްޓާ އަކީ ރައްޔިތުންގެ މަޖިލީހުގައި މިނިވަން މެމްބަރެއްގެ ގޮތުގައި މަސައްކަތް ކުރައްވާ މެމްބަރެކެވެ. އޭނާއަކީ މިސަރުކާރަށް ވަރަށް ބޮޑަށް ފާޑުވިދާޅުވެ، ސަރުކާރުގެ ސިޔާސަތުތަކަށް އަބަދުވެސް ފާޑުވިދާޅުވާ މެމްބަރެކެވެ. މަޖިލީހުގައި ސަރުކާރާއި ދެކޮޅަށް ކުރެވުނު ގިނަ މަސައްކަތްތަކުގައިވެސް މޮސްޓާ ޢަމަލީ ގޮތުން ބައިވެރި ވެފައިވެއެވެ.
މޮސްޓާ ޑރ.މުއިއްޒަށް ތާއީދުކޮށް ޕީޕީއެމްގެ ހަރަކާތްތަކަށް ނިކުތީ މިއަދު ނޮޅިވަންފަރަށް މުއިއްޒުގެ ރަނިންމޭޓް ހުސެއިން މުހައްމަދު ލަތީފް ވަޑައިގެންނެވުމުންނެވެ. ސެމްބެއަށް އެންމެ ފުރަތަމަ ނޮޅިވަރަމްފަރުން މަރުޚަބާ ދެންނެވީވެސް މޮސްޓާއެވެ.
PPM PNC ge Riyaasee Candidate ge Running Mate @HucenSembe Hdh.Nolhivaranfarah vadaigathun@MMuizzu #Vote4Muizzu#DrMuizzuSembe#DhiveheengeRaajje #FreePresidentYameen pic.twitter.com/WPL0qzRdCS
— Progressive Party of Maldives (@ProgressPartyMV) September 6, 2023
މޮސްޓާ ވަނީ ރައީސް ޔާމީން މިނިވަން ކުރުމަށް ގޮވާލާ ކުރި މުޒާހަރާތަކުގައިވެސް ބައިވެރިވެފައެވެ. ސެމްބެ މިއަދު ނޮޅިވަރަން ފަރަށް ވަޑައިގެންނެވުމުން އެރަށުން ވަނީ ވަރަށް ހޫނު މަރުޚަބާއެއް ދަންނަވައި މިއިންތިޚާބުގައި އެރަށުން ޑރ.މުއިއްޒުއަށް މެޖޯރިޓީ ހޯދައި ދޭނެކަމަށް އެރަށުގެ ރައްޔިތުން ވަނީ ބުނެފައެވެ.
