ދަނޑުވެރިންނާއި މަސްވެރިންގެ ހުވަފެންތަކުގައި ކުލަޖައްސާ ދެއްވާނެ ކަމަށާއި، ކާށިދޫ ފަޅުގައި ރިސޯޓެއް ތަރައްގީ ކޮށްދެއްވާނެ ކަމަށް އިދިކޮޅު ޕީޕީއެމް/ޕީއެންސީގެ ރިޔާސީ ކެނޑިޑޭޓް ޑރ. މުހައްމަދު މުއިއްޒު ވިދާޅުވެއްޖެއެވެ.
އަންނަ ހޮނިހިރު ދުވަހު އޮންނަ ރިޔާސީ އިންތިހާބުގެ ކެމްޕެއިނުގައި ރަށްރަށަށް ކުރައްވާ ފަހު ދަތުރުގައި ކ. އަތޮޅުގެ ފުރަތަމަ މަންޒިލަށް ވަޑައިގެން މުއިއްޒު ވިދާޅުވީ ކާށިދުއަކީ އިގްތިސާދީ ގޮތުން ގިނަ މަޝްރޫއުތަކެއް ކުރިއަށް ގެންދެވިދާނެ ރަށެއް ކަމަށެވެ.
އެންމެ ފުރަތަމަ ކަމެއްގެ ގޮތުގައި އޭނާ ފާހަގަކުރެއްވީ ރަށުގެ ދަނޑުވެރިކަން މިހާރަށް ވުރެ ފުޅާކުރުމެވެ. ފުޑް ސެކިއުރިޓީއާ އެކު މުޅި ރާއްޖެއަށް ބޭނުންވާ ކާބޯތަކެތި ރާއްޖޭގައި ހެއްދުމުގެ އަމާޒު މެނިފެސްޓޯގައި ހިމަނައިފައިވާކަން ފާހަގަކުރައްވައި އޭނާ ވިދާޅުވީ، ބޭނުންވަނީ ޓޫރިޒަމާއި އެހެން ދާއިރާތަަކަށް ވެސް ބޭނުންވާ ވަރަށް އެ ސިނާއަތް ކުރިއެރުވުން ކަމަށެވެ.
މި ރަށަކީ ވަރަށް ބޮޑު ހިއްސާއެއް އެކަމުގައި އަދާކުރާނެ ރަށަކަށް ވެގެން ދާނެ. ތިބޭފުޅުންގެ އުންމީދުތަކުގައި ހަގީގީ ކުލަ ޖައްސައިދިނުމަކީ އަޅުގަނޑުމެންނަށް ލިބޭނެ އުފަލަކަށް ވާނެ، ޝަރަފަކަށް ވާނެ.
– މުއިއްޒު ވިދާޅުވިއެވެ.
މުއިއްޒު ވިދާޅުވީ ދަނޑުވެރިކަމުގެ ސިނާޔަތުގައި އަދި އެ މަސައްކަތް އަލުން ފަށަން ބޭނުންވާ ފަރާއްތަކަށް ދަނޑުވެރިކަމަށް ބޭނުންވާ ހުރިހާ ވަސީލަތްތަކެއް ލިބިގެންދާނެ ކަމަށެވެ. އަދި މި ކަންކަމުގެ ސަބަބުން ޒުވާނުންނާއި އެކި އުމުރުފުރައިގެ ފަރާތްތަކައް ވަޒީފާގެ ފުރުސަތުތަކާއި އާމްދަނީ ހޯދުމަގެ މަގު ފަހި ވެގެން ދާނެ ކަމަށްވެސް ވިދާޅުވިއެެވެ.
އަޅުގަނޑުމެންގެ ގައުމުގެ އިގްތިސޯދް އޮތް ހިސާބުގެ ސަބަބުން އަޅުގަނޑުމެންނަށް މިރަށައް ވެސް އިންވެސްޓަރުން ނުގެނެވިގެން މި އުޅެނީ، ސަބަބަކީ އިގްތިސޯދަކު ނެތް އިންވެސްޓަރުންނަކަށް އެއްވެސް އިތުބާރެއް! އަޅުގަނޑުމެންގެ މަސައްކަތަކަށް ވާނީ އިންވެސްޓަރުންނަށް އިތުބާރު އުފެއްދުމަށް.
– މުއިއްޒު ވިދާޅުވިއެވެ.
PPM PNC ge Riyaasee Candidate Dr. Mohamed Muizzu K. Kaashidhoo ah vadaigennevun. @MMuizzu #Vote4Muizzu#DrMuizzuSembe#DhiveheengeRaajje #FreePresidentYameen pic.twitter.com/jvWKxwcXtG
— Progressive Party of Maldives (@ProgressPartyMV) September 5, 2023
މުއިއްޒު ވިދާޅުވީ އެ އިތުބާރު އިންވެސްޓަރުންނަށް އުފައްދަދީގެން ކާށިދޫގެ ލޯކަލް ޓޫރިޒަމް ފުޅަކޮށް ޓޫރިޒަމް ސިނާޔަތުގައި ކުރިޔަށް ދާން ބެނުން ވާ ހުރިހާ ފަރާއްތަކަށް އެ ފުރުސަދު ފަހި ކޮށްދެއްވާނެ ކަމަށެވެ. އަދި ޓޫރިޒަމް އާއި ދަނޑުވެރިކަން ކުރިއަށް ގެންދިޔުމުގެ އިތުރުން މިރަށުގެ ފަޅުތެރޭގެ ބޭނުން ކޮށްގެން މިރަށަށް، ފައިދާވާނެ ގޮތަށް، މި ރަށުގެ ފަޅުތެރެއިން ބިން ހިއްކައިގެން ރިސޯޓެއް ތަރައްގީ ކޮށްދޭނެކަމަށް މުއިއްޒު ވިދާޅުވިއެވެ.
