ދިވެހި ރައްޔިތުންގެ ހިތްތަކުގެ ރައީސް އަދި ޕީޕީއެމްގެ ރައީސް ޔާމީނަށް މިޤައުމުގައި އޮތް ތާއީދާއި އެމަނިކުފާނު ކޮށްދެއްވި ޚިދުމަތްތަކީ މިޤައުމުގެ ފަސްގަނޑުން ދުވަހަކުވެސް ފޮހެވިގެންދާނެ ކަންތައްތަކެއް ނޫންކަމަށް ޕީޕީއެމް/ޕީއެންސީގެ ރިޔާސީ ކެންޑިޑޭޓްގެ ރަނިންމޭޓް ހުސެއިން މުހައްމަދު ލަތީފް ވިދާޅުވެއްޖެއެވެ.
ރިޔާސީ ކެމްޕޭންގައި ރައީސް ޔާމީން މިނިވަން ކުރުމަށް ކުރަމުންދާ އެންމެ ބޮޑު މަސައްކަތް ކަމުގައިވާ، ޑރ.މުއިއްޒަށް ރިޔާސީ އިންތިޚާބު ކާމިޔާބު ކޮށްދެއްވުމަށް ޢަމަލީ ގޮތުން ރައީސް ޔާމީންގެ އަނބިކަނބަލުން މެޑަމް ފާތުމަތު އިބްރާހިމް ބައިވެރިވެ ވަޑައިގެންނެވި ޚާއްސަ ހަފްލާގައި ސެމްބެ ވަނީ ވަރަށް އިޚުލާސް ތެރިކަމާއިއެކު މެޑަމަށް ޝުކުރު އަދާ ކުރައްވާފައެވެ. ސެމްބެ ވިދާޅުވީ މެޑަމް ފާތުންއަކީ އަންހެން ކަނބަލުންނަށް ނަމޫނާ ކަނބަލެއް ކަމަށެވެ. އެކަމާނާ މި ފަސް އަހަރު ކުރެއްވި ހިތްވަރާއި ކެތްތެރި ކަމަކީ ހުރިހާ ކަނބަލުންނަށް އޮތް ނަމޫނާއެއް ކަމަށެވެ.
ސެމްބެ ވިދާޅުވީ ރައީސް ޔާމީންގެ ޢާއިލާ މިފަސްއަހަރު ހޭދަކުރީ ވަރަށް ހިތްދަތި ކަޅު ދުވަސްތަކެއް ކަމަށެވެ. ފިރިކަލުން ރައީސް ޔަމީނަށް ނުހައްގުން މިސަރުކާރުން ދެމުންދާ އަނިޔާގައި އެންމެ ބޮޑު ކެތްތެރި ކަމެއް ދެއްކީ ރައީސް ޔާމީގެ ޢާއިލާއިންކަމަށެވެ. އޭނާ ވިދާޅުވީ މިސަރުކާރުން ރައީސް ޔާމީންގެ ތާއީދު ކަނޑުވާލައި އެމަނިކުފާނު މިޤައުމަށް ގެނެސް ދެއްވި ޚިދުމަތް ފޮހެލަން ކިތަންމެ މަސައްކަތް ކުރިޔަސް އެއީ ވާނެ ކަމެއް ނޫންކަމަށެވެ.
ރައީސް ޔަމީންގެ ލެގަސީ މިސަރުކާރަށް ދުއްވާ ނުލެވޭނެ. އެމަނިކުފާނަކީ މިޤައުމުގެ ތަރައްޤީގެ ބާނީ. ކިތަންމެ އަނިޔާއެއް ދިނަސް، އެމަނިކުފާނު ފޮރުވައިގެން އުޅުނަސް އެމަނިކުފާނަށް އޮތް ތާއީދު ދުވަހަކުވެސް މިފަސްގަނޑުން ނުފޮހެވޭނެ. އެއީ އަޅުގަނޑުމެންގެ ގައިގައި ލޭ ހިނގާހާ ހިނދަކު ކުރަވޭނެ ކަމެއްނޫން.
– ސެމްބެ ވިދާޅުވިއެވެ.
Raees Yameenge Anbikanbalun Madam Fathmath Ibrahim Dhiveheenge Jagaha ah Vadaigathun#Vote4Muizzu#DrMuizzuSembe#DhiveheengeRaajje #FreePresidentYameen pic.twitter.com/DcaCaxoh7d
— Riyattey (@riyyatey) September 4, 2023
ސެމްބެ ވިދާޅުވީ ކުރިއަށް އޮތް ރިޔާސީ އިންތިޚާބު ކާމިޔާބު ކުރުމަށްފަހު އެންމެ ފުރަތަމަ ކުރައްވާނެކަމަށް ޑރ.މުއިއްޒު ވިދާޅުވެފައިވަނީ ރައީސް ޔާމީން މިނިވަން ކުރުން ކަމަށާއި، އެކަން ދިވެހި ރައްޔިތުންގެ ހައްގުގައި އެމަނިކުފާނުގެ ޢާއިލާގެ ހައްގުގައި ކުރާނީ ޕީޕީއެމް/ޕީއެންސީގެ ސަރުކާރުން ކަމަށް ސެމްބެ ވިދާޅުވިއެވެ.
