ލ.ގަމު ކައުންސިލްގެ އެމްޑީޕީގެ ޒުވާން ނައިބް ރައިބް ރައީސް އާސިފް އެޕާޓީން ވަކިވެ ޕީޕީއެމްއާއި ގުޅި ކުރިއަށް އޮތް ރިޔާސީ އިންތިޚާބުގައި ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒުއަށް ތާއީދު ކުރުމަށް ނިންމައިފިއެވެ.
މިރޭ ގަމުގައި އޮތް ފޯރިގަދަ ޖަލްސާގައި އެނާ ޕީޕީއެމްއާއި ގުޅުމަށްފަހު އޭނާ ބުނީ ކުރިއަށް އޮތް ދުވަސްތަކުގައި ލ.އަތޮޅު ގަމުން ޑރ.މުއިއްޒުއަށް މެޖޯރިޓީ ހޯދުމަށް ކުރަންޖެހޭ ހުރިހާ ކަމެއް ކުރާނެކަމަށެވެ.
މިރެއިން ފެށިގެން ކުރިއަށް މަދު ދުވަސްތަކުގައި ޒުވާނުންގެ ބޮޑު ތާއީދާއިއެކު ލ.ބަދަލުކޮށް މެޖޯރިޓީ ޑރ.މުއިއްޒުއަށް ހޯދާދޭނަނަ. އަޅުގަނޑުމެން ޒުވާނުންނަށް މިސަރުކާރުން ވަނީ އިހުމާލެވެފަ. ވެފައިވާ ވައުދުތައް ނުފުއްދުނު. ހެދީ ހުސްދޮގު ބާކީ ކުރީ ޒުވާނުން.
– ގަމު ކައުންސިލް ނައިބް ރައީސް ވިދާޅުވިއެވެ.
އޭނާ ބުނީ 12 އަހަރު އެމްޑީޕީގައި ދެމިހުރީ އެމްޑީޕީގެ އަސާސްތަކާއި އުސޫލުތައް ކަމުދާތީ ކަމަށެވެ. ނަމަވެސް މިހާރު އެމްޑީޕީ ހިނގަދީ ޒުވާނުން ބާކީކޮށް ވެފައިވާ އެއްވެސް ވައުދެއްވެސް ނުފުއްދާ ޚުދުމުހުތާރު ގޮތަކަށް ކަމަށެވެ. އޭނާ ބުނީ ގަމު ކައުންސިލަށް މިސަރުކާރުން އެކި ގޮތަށް ދަޅަ ދެއްކި ކަމަށެވެ. ގަމުގައި އަޅަން ބުނި 600 ހައުސިން ޔުނިޓް ތިރިވީ 100 ޔުނިޓަށް ކަމަށެވެ. އަދި މަސްވެރިން ތިބީ ބާނާ މަސްކޮޅަށް ފައިސާ ނުލިބިކަމަށެވެ.
މީގެ އިތުރުން ޒުވާނުން ކުރާނެ ކަމެއްނެތި މަގުތަކަށް ގިނަވެފައިވަނީ ވަޒީފާއެއް ނެތުމުންކަމަށެވެ. މިސަރުކާރުން އެއްވެސް ސަމާލުކަމެއް ޒުވާނުންނަށް ނުދިނުމުގެ ނަތީޖާ މިއިންތިޚާބުގައި ހިތިވާނެކަމަށް އޭނާ ވަނީ ބުނެފައެވެ.
