ލ. މާވަށުގައި ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒުއަށް އޮތް ތާއީދު ދައްކާލައިފިއެވެ.
ރިޔާސީ ކެމްޕޭންގައި މިއަދު ތ.އަތޮޅާއި ލ.އަތޮޅަށް ޑރ.މުއިއްޒުއާއި ކެމްޕޭން ޓީމުން ކުރި ދަތުރުގައި މާވަށަށް ވަޑައިގެންނެވުމުން އެރަށުގެ ގިނަ އަދަދެއްގެ ބަޔަކު ވަނީ ނިކުމެ ހޫނު މަރުޚަބާއެއް ދަންނަވާފައެވެ. މުއިއްޒުއަށް މަރުޚަބާ ދަންނަވަން ނިކުތް މީހުންގެ ތެރޭގައި ގިނައީ ޒުވާނުންނެވެ. މާވަށަށް މުއިއްޒު ވަޑައިގެން އެރަށުގެ ރައްޔިތުންނާއި ވަނީ ބައްދަލުކޮށްފައެވެ.
މުއިއްޒު ވަނީ އެރަށަކީވެސް މިއިންތިޚާބު އެއްބުރުން ކާމިޔާބު ކުރުމަށް ސާފު އައުލަބިއްޔަތު ލިބިގެންދާނެ ރަށެއްކަމަށް އުންމީދު ކުރައްވާކަމަށެވެ. މާވަށު ދާއިރާގެ މެމްބަރަކީ ކުރީގެ އިކޮނޮމިކް މިނިސްޓަރ މުހައްމަދު ސައީދެވެ.
PPM PNC ge Riyaasee Candidate Dr. Mohamed Muizzu L. Maavashah vadaigennevun.@MMuizzu #Vote4Muizzu#DrMuizzuSembe#DhiveheengeRaajje #FreePresidentYameen pic.twitter.com/77K9jauBop
— Progressive Party of Maldives (@ProgressPartyMV) September 3, 2023
މާވަށު ރައްޔިތުން ވަނީ އެރަށަށް ރައީސް ޔާމީން ގެނެސްދެއްވި ތަރައްޤީ އަލުން އިޔާދަކޮށް ރައްޔިތުން އެދޭ ކަންކަން ކޮށްދެއްވުމަށް މުއިއްޒުގެ އަރިހުގައި ދަންނަވާފައެވެ. މުއިއްޒު ވަނީ އެއްވެސް ތަފާތެއްނެތި އެކަންކަން ކޮށްދެއްވާނެކަމުގެ ޔަގީންކަން ދެއްވާފައެވެ.
