ހަމުގެ ކުލައިގެ ސަބަބުން ބޮލީވުޑްގެ އިން ގިނަ ފުރުސަތު ތަކެއް ގެއްލުނު ކަމަށް ބޮލީވުޑްގެ ހުންރުވެރި ބަތަލާ ކަލްކީ ކޯޗްލިން ބުނެފިއެވެ.
ކާލްކީ މިހެން ބުނެފައިވަނީ އޭނާގެ ކުރިއަށް އޮތް ފިލްމު "ގޯލްޑް ފިޝް"އާ ބެހޭ ގޮތުން ވާހަކަ ދައްކަމުންނެވެ. ފިލްމު "ގޯލްޑްފިޝް" ގައި އޭނާގެ ކެރެކްޓާގެ އިހުސާސްތަކުގެ ނުކުތާތައް ހުނަރުވެރިކަމާ އެކު ދައްކުވައިދިން ކަމަށް ބުނަމުން ބަތަލާބުނީ އޭނާގެ ހަމުގެ ކުލައިން ބޮލީވުޑްގައި އޭނާގެ ރޯލުތައް ލިމިޓްވާ ކަމަށާއި އެ ރޯލަކީ އޭނާ އަށް ކަޓައިގެން ދިޔަ ރޯލެއް ކަން އެނގޭ ކަމަށެވެ.
ކާލްކީ އިތުރަށް ބުނީ އޭނާގެ ހަންގަނޑު މާ "ހުދު" ކަމަށް ބުނެ ގިނަ ޕްރޮޑިއުސަރުންތަކެއް އޭނާއަށް ފުރުސަތު ދިނުމަށް އިންކާރު ކޮށްފައިވާ ކަމަށެވެ. ކާލްކީއަކީ އިންޑިއާއަށް އުފަން ފްރާންސްގެ ރައްޔިތެކެވެ.
View this post on Instagram
ޕުޝާން ކްރިޕަލާނީ ޑައިރެކްޓްކޮށް އަމިތު ސަކްސޭނާ ޕްރޮޑިއުސްކުރާ މި ފިލްމު ގެެނެސްދެނީ އަނޫރާގް ކަޝްޔަޕް އެވެ. "ޔޭ ޖަވާނީ ހޭ ދިވާނީ"، "ޒިންދަގީ ނާ މިލޭގީ ދޯބާރާ"، އަދި "ގަލީ ބޯއީ" ފަދަ ފިލްމުތަކުން ފާހަގަވެގެން ދިޔަ ކާލްކީގެ ހިންދީ ފިލްމަކުން ފެނިގެން މިދަނީ 4 އަހަރުގެ މެދުކެނޑުމަކަށްފަހު އެވެ.
