ބޮލީވުޑްގެ މަޝްހޫރު ބަތަލާ ކަރީނާ ކަޕޫރު ގެ ފުރަތަމަ އޯޓީޓީ ފިލްމް އަންނަ މަހުގެ ގެެނެސްދޭން ތައްޔާރު ވެއްޖެއެވެ. "ޖާނެ ޖާން"ގެ ލީޑު ރޯލުތަކުން ކަރީނާ އާއި އެކުގައި ފެނިގެން ދާނީ ވިޖޭ ވަރުމާ އާއި ޖައިދީޕް އަލާވަތު އެވެ.
ކަރީނާ އޯޓީޓީ އަށް ތައާރަފްވާ ފިލްމް އަކީ ނެޓްފްލިކްސް އިން ގެނެސްދިނުމަށް ނިންމައިފައިވާ ފިލްމްއެކެވެ. މިގެ ދުވަސްކޮޅެއް ކުރިން ސޯޝަލް މީޑިއާގައި ކަރީނާ އާއި އޭނާގެ ޓީމުން އަންނަނީ މި ފިލްމްގެ ޕްރޮމޯޝަން ތަށް ކުރިއަށް ގެންދަމުންނެވެ.
އަންނަ މަހު 21 ގައި މި ފިލްމު ސްޓްރީމިން އަށް ދޫކޮށްލަން ވަނީ ނިންމައިފަ އެވެ. "ޖާނެ ޖާން" ޑައިރެކްޓުކުރަނީ "ކަހާނީ" އާއި "ބަދުލާ" ކަހަލަ މޮޅު ފިލްމުތައް ޑައިރެކްޓުކުރި ސުޖޯއީ ގޯޝް އެވެ.
View this post on Instagram
މި ފިލްމް އަކީ 2005 ވަނަ އަހަރު ނުކުތް ޖަޕާނުގެ މިސްޓްރީ ކްރައިމް ވާހަކަ ފޮތެއް ކަމަށްވާ "ދަ ޑިވޯޝަން އޮފް ސަސްޕެކްޓް އެކްސް" އަށް ބިނާކޮށް ހަދާ ފިލްމެކެވެ. އެ ވާހަކަ ފޮތަށް ބިނާކޮށް ސައުތު ކޮރެއާ އިން ވެސް 2017 ވަނަ އަހަރު ފިލްމެއް ހަދާފައިވެ އެވެ.
