މިސަރުކާރުން ތަރައްޤީގައި ގދ.މަޑަވެލި ބާކީކުރިކުރުން މަޑަވެލި ރައްޔިތުން ވޯޓުން ދައްކާނެކަމަށް މަޑަވެލި ދާއިރާގެ ކުރީގެ މެމްބަރު މުޢާޒު މުހައްމަދު ރަޝީދު ވިދާޅުވެއްޖެއެވެ.
ރިޔާސީ ކެމްޕޭންގައި މަޑަވެލީގައި އޮތް ޖަލްސާގައި ވަހަކަ ދައްކަވަމުން މުޢާޒު ވިދާޅުވީ ފާއިތުވެދިޔަ ސަރުކާރުތަކުން މަޑަވެއްޔާއިމެދު ދެކުނު ދެކުން ބަދަލުކޮށް ތަރައްޤީގެ ކުލަވަރު ގެނެސްދެއްވީ ރައީސް ޔާމީންކަމަށެވެ. ރައީސް ޔާމީންގެ ވެރިކަމުގައި މަޑަވެއްޔަށް ގެނައި ތަރައްޤީ ފިޔަވައި ނިމިނު މަޝްރޫއެއް މަޑަވެލީގައި ނެތްކަމަށް މުއާޒު ވިދާޅުވިއެވެ.
އޭނާ ވިދާޅުވީ މުއިއްޒަކީ ޓެސްޓް ކުރެވި މުޅި ރާއްޖެއަށް ތަރައްޤީގެ ރަން ޒަމާން ގެނައި ދުވަސްވަރު އެކަންކަމުގެ އެންމެބޮޑު އެއް މޭސްތިރިޔާކަމަށެވެ. ޤައުމު ތަރައްޤީއަށް އެދިއެދި އޮތް މިދަނޑިވަޅުގައި ޑރ.މުއިއްޒު ނޫން މީހަކަށް މިޤައުމު ތަރައްޤީ ކުރެވޭތަން ރިޔާސީ ރޭހުގައި ކުރިމަތިލާފައިވާ ބޭފުޅުންނަށް ބަލާލުމުން ހާމަވާކަމަށެވެ.
އަޅުގަނޑުމެން މަޑަވެލީގެ ރައްޔިތުންނަށް މިސަރުކާރުން ވީއިހުމާލު އަޅުގަނޑުމެން ދައްކާނީ ސެޕްޓެމްބަރު 9 ވަނަ ދުވަހު އޮންނަ ވޯޓުން. އިރާދަ ކުރެއްވިއްޔާ ބޮޑު ތަނުން އަޅުގަނޑުމެން މިސަރުކާރު ބަލި ކުރާނަން.
– މުއާޒު ވިދާޅުވިއެވެ.
PPM PNC ge Riyaasy Candidate Dr. Mohamed Muizzu Gdh Madaveyyah vadaigathumun hoonu maruhabaa eh @MMuizzu#Vote4Muizzu#DrMuizzuSembe2023#DhiveheengeRaajje#FreePresidentYameen pic.twitter.com/l0H1Kp9amk
— Progressive Party of Maldives (@ProgressPartyMV) August 27, 2023
މުއާޒު ވިދާޅުވީ ޑރ.މުއިއްޒަކީ ތަރައްޤީގެ ވިސްނުން ގެންގުޅުއްވާ ރައީސް ޔާމީންގެ ލަފަޔާއި އިރުޝާދުގެ މަތީން މަސައްކަތް ުރައްވާ ލީޑަރެއް ކަމަށެވެ. އަދި ކުރިއަށް އޮތް އިންތިޚާބު ކާމިޔާބުކޮށް ރައީސް ޔާމީން މިނިވަން ކުރައްވާނެކަމީ އެމަނިކުފާނުގެ އެންމެ ބޮޑު ވައުދުކަމީ މުޅި ޕީޕީއެމް، ޕީއެންސީގެ މެމްބަރުންނަށް ލިބޭ އެންމެ ބޮޑު އުފާކަމަށް މުއާޒު ވިދާޅުވިއެވެ.
