ބޮލީވުޑްގެ މަޝްހޫރު ބަތަލާ ޝަބާނާ އަޒްމީގެ ނަމުގައި ސްކޭމް މެސެޖުތަކެއް ދައުރު ކުރަމުން ގެންދާ މައްސަލައެއް ފެންމަތި ވެއްޖެއެވެ.
ޝަބާނާ ވަނީ ސޯޝަލް މީޑިއާ މެދުވެރިކޮށް އެކަމުގެ ކަންބޮޑުވުން ފާޅުކޮށްފަ އެވެ. އެގޮތުން އޭނާގެ ނަމުގައި ސްކޭމް މެސެޖް ތަކެއް ފޮނުވަމުން އަންނަ ކަމަށާއި އޭނާގެ ގާތް މީހުންނަށް ވެސް އެ މެސްޖް ފޮނުވާ ކަމަށް އޭނާ ވަނީ ބުނެފައިއެވެ.
މި މައްސަލައިފައި ހިތްހަމަ ނުޖެހުން ފާޅު ކުރަމުން ރައިޓަރު ޖާވެދް އަހްތަރް ގެ އަންހެނުން ބުނީ މިހާރު އެ މައްސަލަ ފުލުހުންނަށް ހުށައެޅުމަށް ނިންމައިފައިވާ ކަމަށް ވެސް ބުނެފައިވެއެވެ.
NOTICE
It has come to our notice that some of our colleagues and associates, have received messages purported to be from Ms Shabana Azmi. These are clearly “phishing” attempts asking responders to make purchases on App Store for the messenger. Please do not reply or pick any…— Azmi Shabana (@AzmiShabana) August 22, 2023
ޝަބާނާގެ އެޖެންސީން ނެރުނު ނޫސްބަޔާނެއްގައި ބުނީ އެ މެސެޖުތަކުގައި ބުނެފައި ވަނީ އެޕް ސްޓޯރުން އެޕެއް ޑައުންލޯޑްކުރަން ކަމަށެވެ. އެ އެޕަކީ "އޮންލައިން ފިޝިން" ނުވަތަ ފޯނުގައި ހުންނަ މީހުންގެ ޒާތީ މައުލޫމާތު ފޭރިގަންނަން ބޭނުންކުރާ އެޕެއް ކަމަށް އެ ބަޔާނުގައި ބުންޏެވެ.
އަދި މި މެސެޖު އޭނާގެ ގާތް މީހުންގެ އިތުރުން އެކުގައި މަސައްކަތް ކުރާ މީހުންނަށްވެސް ފޮނުވަމުން އަންނަ ކަމަށް އޭނާގެ ބަޔާނުގައި ވަނީ ބުނެފައިއެވެ. ޝަބާނާ އެންމެ ފަހުން ފެނިގެން ދިއައީ މިއަހަރު ރިލީޒް ކުރި އަދި ބޮޑު ކާމިޔާބެއް ހޯދައިފައިވާ ކަރަން ޖޯހަރުގެ ފިލްމު "ރޮކީ އޯރު ރާނީ ކީ ޕްރޭމް ކަހާނީ" އިންނެވެ.
