ޕާސްޕޯޓު ނަކަލުކޮށްގެން ރާއްޖެ އެތެރެވުމަށް މަސައްކަތްކުރި ދެ ބިދޭސީއަކާއި، ވައްތަރު މީހެއްގެ ރެސިޑެންޓް ކާޑު ބޭނުންކޮށް އޮޅުވާލައިގެން ރާއްޖެ އެތެރެވުމަށް މަސައްކަތްކުރި ބިދޭސީއަކު އިމިގްރޭޝަނުން ހުއްޓުވައިފި އެވެ.
މޯލްޑިވްސް އިމިގްރޭޝަނުން އާންމު ކުރި މަޢުލޫމާތުގައި ވާގޮތުން ޕާސްޕޯޓު ނަކަލުކޮށްގެން ރާއްޖެ އެތެރެވާން އުޅުނީ 47 އަހަރުގެ އަންހެނަކާއި 21 އަހަރުގެ އަންހެނެކެވެ. ނަމަވެސް މިއީ ކޮން ގައުމެއްގެ ބައެއްކަން އިމިގްރޭޝަނުން އަދި ހާމައެއް ނުކުރެއެވެ.
މީގެ އިތުރުން ވައްތަރު އެހެން މީހެއްގެ ރެސިޑެންޓް ކާޑެއް ބޭނުންކޮށްގެން އޮޅުވާލައިގެން ރާއްޖެ އެތެރެވާން މަސައްކަތް ކުރަނިކޮށް އިމިގްރޭޝަނުން ހުއްޓުވީ 24 އަހަރުގެ އަންހެނެކެވެ. އޭނާގެ ވެސް ގައުމު އިމިގްރޭޝަނުން ހާމަކޮށްފައެއް ނުވެއެވެ.
ޕާސްޕޯޓު ނަކަލުކޮށްގެން ރާއްޖެ އެތެރެވުމަށް މަސައްކަތްކުރި ދެ ބިދޭސީއަކާއި، ވައްތަރު މީހެއްގެ ރެސިޑެންޓް ކާޑު ބޭނުންކޮށް އޮޅުވާލައިގެން ރާއްޖެ އެތެރެވުމަށް މަސައްކަތްކުރި ބިދޭސީއަކު އިމިގްރޭޝަނުން ހުއްޓުވައިފި. pic.twitter.com/lSYsROalJL
— Maldives Immigration (@ImmigrationMV) December 6, 2020
ޕާސްޕޯޓް ފޯޖްކޮށްގެން ރާއްޖެ އެތެރެވާން އުޅުނު ބިދޭސީ ފިރިހެނަކު މިއަހަރުގެ ޖުލައިމަހު ވެސް އިމިގްރޭޝަނުން ވަނީ ހިފަހައްޓާފައެވެ. ރާއްޖޭގައި މަސައްކަތްކުރާ ބިދޭސީންގެ ތެރެއިން ގަވައިދާ ހިލާފުވެގެން ޑީޕޯޓު ކުރުމުން، ޝަހުސު އޮޅުވާލައިގެން އެ މީހުން އެނބުރި ރާއްޖެ އަންނަކަން ފާހަގަވެއެވެ.
