މަރާޓީ އަދި ހިންދީ ސިނަމާއަށް ގިނަ ގުނަ ހިދުމަތްތަކެއް ކޮށްދީފައިވާ މަޝްހޫރު ބަތަލާ ސީމާ ޑިއޯ މަރުވެއްޖެއެވެ.
މީޑިއާތަކުން ބުުނީ 83 އަހަރުގެ ބަތަލާ މަރުވީ އަލްޒެއިމާ އަށް ފަރުވާ ހޯދާތާ ގިނަ ދުވަސްތަކެއް ފަހުން ކަމަށެވެ. އޭނާ މަރުވެފައި ވަނީ މިއަދުގެ މެންދުރު ކުރީގެ ވަގުތެއްގައި ކަަމަށް މައުލުމާތު ލިބެއެވެ.
ގިން ފިލްމް ތަކެއް ކުޅެފައިވާ ބަތަލާ ގެ ބައެއް ފިލްމް ތަކުގެ ތެރޭގައި ރާޖޭޝް ކަންނާގެ "އާނަންދު" (1971) އާއި ސަންޖީވް ކުމާރާއި ޖަޔާ ބަދުރީގެ "ކޮޝިޝް" (1972) އަދި އަނޫޕަމް ކޭރް އާއި ރޭކާ ގެ "ސަންސާރު" (1987) ފަދަ މުހިއްމު ފިލްމުތައް ހިމެނެ އެވެ. އޭނާ ފެނިގެން ގޮސްފައިވަނީ ސަޕޯޓިންގ ރޯލުތަކުންނެވެ.
ރަމޭޝް ޑިއޯ އާއި ސީމާ ޑިއޯ ކައިވެނިކުރީ 1960 ވަނަ އަހަރުގައިއެވެ. އަދި އެކައިވެނި މަޝްހޫރު ވެގެން ގޮސްފައިވަނީ ނަލިނީ ސަރަފްގެ ނަމުން ނެވެ. ރަމޭޝް ވަނީ 2 ފެބްރުއަރީ 2022 ގައި ކޮކިލާބެން ދިރުބާއީ އަމްބާނީ ހޮސްޕިޓަލުގައި ހާޓް އެޓޭކެއް ޖެހިގެން ފަރުވާ ދެމުން ދަނިކޮށް، 93 އަހަރުގަައި މަރުވެފައިއެވެ. ސީމާ އޭނާގެ ދެ ފިރިހެން ދަރިން ކަމަށްވާ އަޖިންކްޔާ ޑިއޯ އާއި އަބީނޭ ޑިއޯ ދިރިއުޅެމުން އަންނަނީ އާއިލާ އާއި ވަކިންނެވެ.
ރަމޭޝް ޑިއޯ އަކީވެސް މުނިފޫހިފިލުވުމުގެ ދާއިރާއަށް ގިނަ ގުނަ ހިދުމަތްތަކެއް ކޮށްދެއްވާފައިވާ ފިލްމީ އަދި ޓީވީ އެކްޓަރެކެވެ. އޭނާގެ ޝަރަފުވެރި ކެރިއަރުގައި އޭނާ ވަނީ ހިންދީ ގިނަ ފިލްމުތަކާއި މަރާޓީ ފިލްމުތަކާއި މަރާޓީ ޑްރާމާތަކުން ފެނިގެން ގޮސްފަ އެވެ. އަދި ފީޗާ ފިލްމުތަކާއި ޓީވީ ސިލްސިލާތަކާއި އިޝްތިހާރުތަކާއި ޑޮކިއުމެންޓްރީތައް ހަދައިގެން ޕްރޮޑަކްޝަނާއި ޑައިރެކްޝަނަށް ނުކުތެވެ. އޭނާ ލީޑް ރޯލުން ފެނިގެންދާ ފިލްމުތަކުގެ ތެރޭގައި "އާނަންދު،" "ޖޯރޫ ކާ ގުލާމް،" "އާޕް ކީ ކަސަމް" ފަދަ ފިލްމުތަކުގެ އިތުރުން ސަޕޯޓިން ޕާފޯމަންސްގެ އިތުރުން "ދަސް ލަކް"، "ފަކީރާ" އަދި "މޭރޭ އަޕްނޭ" ފަދަ ފިލްމުތައް ހިމެނެ އެވެ.
