ރިޔާސީ އިންތިޚާބާއި ދިމާކޮށް ސަރުކާރުގެ ކުންފުނިތަކުގައި މަސައްކަތް ކުރާ މުވައްޒިފުންނަށް ވަޒީފާގެ ބިރު ދައްކައި ނުފޫޒު ފޯރުވުމަށް މަސައްކަތް ކުރި ނަމަވެސް ކުރިއަށް އޮތް 16 ދުވަސް ތެރޭގައި އެބިރަށް ފަސް ނުޖެހި، ސާބިތު ކަމާއިއެކު ޕީއެސްސީން ކުރާ މަސައްކަތުގައި ބައިވެރިވުމަށް ޑރ.މުހައްމަދު މުއިއްޒު ގޮވާލައިފިއެވެ.
ރިޔާސީ ކެމްޕޭމްގައި ށ.ފުނަދޫގައި މިރޭ ބޭއްވި ބޮޑު ޖަލްސާގައި ވާހަކަ ދައްކަވަމުން މުއިއްޒު ވިދާޅުވީ އިންތިޚާބުގެ ވޯޓުލުމާއި ގާތްވަމުންދާ ވަރަކަށް ސަރުކާރުގެ ނުފޫޒާއި ބާރުވެރިކަން ސަރުކާރު ހިއްސާވާ ކުންފުނިތަކުގައި ތިއްބެވި މުވައްޒިފުންނަށް ދައްކާ ކަމަށެވެ. މިކަން މިހެން މިވަނީ ސަރުކާރު ބަލިވެ ފެއިލްވެފައިވާކަން ޔަގީންވާތީ ކަމަށާއި، ވަޒީފާގެ ބިރަށް އެއްވެސް ބޭފުޅަކު ފަސް ނުޖެހި ސާބިތު ކަމާއިއެކު ތިއްބެވުމަށް މުއިއްޒު ވަނީ ގޮވާލާފައެވެ.
މުއިއްޒު ވިދާޅުވީ މިއުފެދޭ ޕީޕީއެމް، ޕީއެންސީގެ ސަރުކާރަކީ ރައީސް ޔާމީންގެ ޒަޢާމަތުގައި ދިވެހި ޒުވާނުންނަށް ވަޒީފާގެ އެތައް ފުރުސަތެއް ތަނަވަސްކުރެއްވި ފަދައިން އެތަކެއް ވަޒީފާތަކެއް އުފައްދާނެ ސަރުކާރެއްކަމަށެވެ. ވަޒީފާ އަދާކުރަން ބޭނުންވާ އެއްވެސް ބޭފުޅަކަށް ވަޒީފާގެ ފުރުސަތު ނުލިބި ހުންނަވަން ޖެހިވަޑައި ނުގަންނަވާނެކަމަށް މުއިއްޒު ވިދާޅުވިއެވެ.
އެއްވެސް ބޭފުޅަކު އެއްވެސް ޒުވާނަކު ވަޒީފާގެ ބިރަށް ފަސް ޖެހޭނެ ކަމެއްނެތް. މިސަރުކާރު މިއޮތީ ބަލިވެފަ. އަޅުގަނޑުމެން އިރާދަ ކުރެއްވިއްޔާ ކަނޑާލާ ކޮންމެ ވަޒީފާއަކަށް އެއަށްވުރެއް ރަނގަޅު ވަޒީފާއެއް އެމީހަކަށް ހަމަޖައްސައިދޭނަން.
– މުއިއްޒު ވިދާޅުވިއެވެ.
މުއިއްޒު ވަނީ މިޖަލްސާގައި ފުނަދޫ ރައްޔިތުންގެ އުންމީދުތައް ހާސިލް ކުރުމަށް ގިނަ ވައުދުތަކެއް ވެވަޑައިގެންފައެވެ. ވައުދުތައް ވުމަށްފަހު މުއިއްޒު ވަނީ އެވައުދުތައް ފުއްދަވާ ދެއްވާނެ ކަމުގެ ޔަގީންކަން ދެއްވާފައެވެ. މުއިއްޒު ވިދާޅުވީ އެއްވެސް ރަށަކަށް ވަޑައިގެން ނުފުއްދޭ ވަރުގެ ވައުދެއް ނުވާނެކަމަށެވެ.
Progressive Congress coalition ge Riyaasy Candidate Dr. Mohamed Muizzu Sh. Funadhoo rayyithunnaa badhdhalu kurevvun @MMuizzu #Vote4Muizzu#DrMuizzuSembe#DhiveheengeRaajje #FreePresidentYameen pic.twitter.com/48ZilHY8t7
— Progressive Party of Maldives (@ProgressPartyMV) August 23, 2023
ގިނަ އަދަދެއްގެ ބަޔަކު ބައިވެރިވި މިޖަލްސާގައި މުއިއްޒުވަނީ ރާއްޖޭގެ ހުރި ބައެއް މައްސަކަތަކަށް ހައްލު ގެނެސްދެއްވާނެ ގޮތްވެސް ހުށަހަޅުއްވާ ދެއްވާފައެވެ.
