ބަތަލާ ދިވްލާ ކޯސްކާ ކުމާރު 2014 ގައި ޑައިރެކްޓްކުރި ހިންދީ ފިލްމު "ޔާރިޔަން" ގެ ދެވަނަ ބައިގެ ފުރަތަމަ ލަވަ ބެލުންތެރިންނަށް ދޫކޮށްލާ ތާރީހް އިއުލާން ކޮށްފިއެވެ.
މި ލަވަ އަކީ ވަރަށް ފޯރި ގަދަ ނެށުންތަކެއް ހިމެނޭ ނަށާލަން ވަރަށް ކަމުދާ ކަހަލަ ލަވައެކެވެ. މި ލަވަ ބެލުންތެރިންނަށް ދޫކޮށްލާނީ މިމަހުގެ 27 ގައިއެވެ. ނަމަވެސް މިހާރުވެސް އަންނަނީ ލަވައިގެ ޕްރޮމޮ ވީޑިއޯ ކޮޅުތަށް ސޯޝަލް މީޑިއާގައި ހިއްސާ ކުރަމުންނެވެ.
ފިރިމީހާ ބުޝަން ކުމާރުގެ ފިލްމު ކުންފުނި، ޓީ ސީރީޒުން ޕްރޮޑިއުސްކުރާ "ޔާރިޔަން 2″ ގެ ޑައިރެކްޝަނާ ހަވާލުވެފައި ވަނީ "ލަކީ: ނޯ ޓައިމް ފޯ ލަވް" އާއި "ސަނަމް ތެރީ ގަސަމް" ގެނެސްދިން ދެ ޑައިރެކްޓަރުން ކަމަށްވާ ރާދިކާ ރާއޯ އާއި ވިނޭ ސަޕްރޫ އެވެ.
މި ފިލްމްގެ ލީޑުން ދިވްޔާ އާއި އެކުގައި ފެނިގެންދާނީ ޑްރާމާ ސިލްސިލާ ތަކުން ބޮޑު މަގުބޫލު ކަމެއް ހޯދައިފައިވާ އެކްޓަރު ޕާލް ވީ ޕޫރީ އާއި މީޒާން ޖެފްރީއެވެ. މީގެ އިތުރުން ފިލްމްގެ މުހިންމު ރޯލަކުން އެއް ލޯ މަރާލައިގެން މަޝްހޫރުކަން ހޯދި ޕްރިޔާ ވާރިއާ އާއި ވަރީނާ ހުސައިންގެ އިތުރުން ޔާޝް ދާސްގުޕްތާ ވެސް ފެނިގެން ދާނެއެވެ.
