ހިންދީ ސިނަމާއަށް މިހާތަނަށް އައި އެންމެ ކާމިޔާބު ހަނގުރާމަ މަތީގެ ފިލްމް "ބޯޑާ" ގެ ދެވަނަ ބައި ހަދަން ތައްޔާރުވަމުން އަންނަ ކަމަށް ރިޕޯޓްތައް ބުނެފި އެވެ.
ލީޑުން ސަނީ ޑިއޯލް އާއި ޖެކީ ޝްރޮޕް އަދި ސުނިލް ޝެޓީ ފެނިގެން ދިއަ މި ފިލްމްގެ ދެވަނަ ބައެއް ހަދަން ތައްޔާރު ވަމުން އަންނަ އިރުގައި މި ފިލްމްގެ ދެވަނަ ބައެއް ހެދުމުގެ ވާހަކަތަށް ދެކެވޭތާ މިހާރު ދުވަސްތަކެއް ވެފައި ވާކަމަށް ބުނެއެވެ. މި ފިލްމަކީ އިންޑިއާ އާއި ޕާކިސްތާނާ ދެމެދު 1971 ގައި ކުރި ހަނގުރާމަ އަށް ބިނާކޮށް ގެނެސްދިން ވަތަނީ ފިލްމެކެވެ.
View this post on Instagram
މީޑިއާތަކުން ބުނީ "ބޯޑާ" ގައި އެ ފިލްމު ރިލީޒްކުރި ދުވަސްވަރުގެ މަޝްހޫރު ތަރިންތަކެއް ހިމެނުނަސް، ކުރީ ބައިގެ ފިލްމުން އާ ފިލްމުގެ ކާސްޓާ ގުޅޭނީ ސަނީ ޑިއޯލް އެކަންޏެވެ. ދެން "ބޯޑާ 2″ ގައި ހިމެނޭނީ މިހާރުގެ ޒުވާން ބައެއް ތަރިން ކަމަށް ވެސް މީޑިއާތަކުން ބުންޏެވެ. 1997 ގައި ޖޭޕީ ދައްތާ ޑައިރެކްޓް ކުރި "ބޯޑާ" ގެ ދެވަނަ ބައި ވަރަށް އަވަހަށް އިއުލާން ކުރާނެ ކަމަށް މީޑިއާއިން ވަނީ ބުނެފައިއެވެ.
އެންމެ 10 ކްރޯޑް ރުޕީސް (1.2 މިލިއަން ޑޮލަރު) ގެ ބަޖެޓަކުން ހެދި "ބޯޑާ" އަށް ބޮކްސް އޮފީހުގައި 65.75 ކްރޯޑް ރުޕީސް (8 މިލިއަން ޑޮލަރު) ގެ އާމްދަނީއެއް ލިބުނު އިރު، މީގެ ކާސްޓްގައި ސުނިލް ޝެޓީ، އަކްޝޭ ކަންނާ، ޖެކީ ޝްރޮފް، ތައްބޫ އަދި ޕޫޖާ ބަޓް ފަދަ ދަރިން ހިމެނެ އެވެ.
