1993 ވަނަ އަހަރު ނެރުނު ކާމިޔާބު ފިލްމް "ކަލް ނާޔަކް" ގެ ދެވަނަ ބައެއް ހަދަން ނިންމާފައިވާ ކަމަށް އޭގެ ޑައިރެކްޓަރު ސުބާޝް ގާއީ ބުނެފި އެވެ.
މީގެ 30 އަހަރު ކުރިން ގެނެސް ދިން މި ކާމިޔާބު ފިލްމްގެ ލީޑުން ފެނިގެން ގޮސްފައިވަނީ ސަންޖޭ ދަތް އާއި މާދުރީ ޑިކްޝިޓްއެވެ. އަދި މިއީ ބެލުންތެރިންގެ މެދުގައި ވަރަށް މަގުބޫލު ފިލްމްއެކެވެ. އަދި ހަމަ އެއާއި އެކުގައި މި ދެތަރިންނަކީ އޮންސްކްރީންގައި ވަރަށް ކާމިޔާބު ދެ ތަރިންވެސް މެއެވެ.
ކާމިޔާބު އެތަށް ފިލްމް ތަކެއް ބެލުންތެރިންނަށް ގެނެސްދީފައިވާ ޑައިރެކްޓަރު ބުނީ ކަލްނަޔަކް 2″ ވަރަށް އަވަހަށް އިއުލާންކުރާނެ ކަމަށާއި އެކަމާ ގުޅޭ ތައްޔާރީތައް މިހާރު ވަމުން އަންނަ ކަމަށެވެ.
އޭގެ އިތުރުން ގިނަ ބައެއްގެ މެދުގައި މަގުބޫލުވި ސަންޖޭ ކުޅުނު ނެގަޓިވް ކެރެކްޓާ ބަލްރާމް (ބައްލޫ) ޕްރަސާދުގެ ރޯލުން ސަންޖޭ އެނބުރި އަންނާނެކަން ވެސް ގާއީ ކަށަވަރުކޮށް ދިނެވެ. "ކަލްނަޔަކް" އަކީ އޮގަސްޓް 6، 1993 ގައި ރިލީޒްކުރި އެކްޝަން ކްރައިމް ފިލްމެކެވެ.
މިހާރަކަށް އައިސް މީގެ ކުރިން ގެނެސްދީފައިވާ ފިލްމް ތަކުގެ ދެވަނަ ބައި ހަދައި އަންނަނީ ގެނެސްދެމުންނެވެ. އަދި ދެވަނަ ބައިގެނެސް ފިލްްމ ތަކަށް ބެލުންތެރިންގެ ވަރަށް ބޮޑު ތަރުހީބެއް ލިބެމުން އަންނަ ކަންވެސް ފާހަގަ ކޮށްލެވެއެ.
