އައްޑު ސިޓީގެ ރައްޔިތުން ޚާއްސަކޮށް، ހުޅުދޫ މީދޫ ރައްޔިތުން، ހިތަދޫއާއުި ބްރިޖަކުން ގުޅާލުމަށް ކުރަމުންދާ އުންމީދަށް ނިމުން ގެނެސް އެކަން ކޮށްދެއްވާނެ ކަމުގެ ޔަގީކަން ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ދެއްވައިފިއެވެ.
އައްޑޫ ސިޓީ ހުޅުދޫ މީދޫގައި ގިނަ އަދަދެއްގެ ބަޔަކާއިއެކު ބޭއްވި ފޯރިގަދަ ޖަލްސާގައި މުއިއްޒު ވަނީ ރަށް ޖޯޝުގައި ވާހަކަ ދައްކަވާފައެވެ. މުއިއްޒުގެ ޝަރަފްގައި ހުޅުދޫގައި، ބޭއްވި ޖަލްސާގައި ތައްޔާރުކޮށްފައިވާ ޕޯޑިއަމް ތައްޔާރު ކޮށްފައިވަނީ ބްރިޖަކާއިއެކުއެވެ. ރަމްޒީ މިބުރިޖުން ދިން މެސެޖަކީ ބްރިޖަކަށް އައްޑޫ ރައްޔިތުން އުންމީދު ކުރާ ވަރެވެ. ބްރިޖުމަތީ އައްތަ އަޅުވައި ހުންނަވާ ހުޅުދޫ ރައްޔިތުންގެ ކުރިމަތީގައި ވަރަށް ޖޯޝާއިއެކު މުއިއްޒު ވިދާޅުވީ ބްރިޖުގެ ހުވަފެން އައްޑޫ ސިޓީގެ ރައްޔިތުންނަށް ހަގީގަތަކށް ހަދައި ދެއްވާނެކަމަށެވެ.
އަޅުގަނޑު އައްޑޫ ސިޓީގެ ރައްޔިތުންނަށް ޔަގީންކަމާއިއެކު މިދަންނަވަނީ ބްރިޖެއް އެޅޭނީ އެކަމަށް ވައުދުވެ އެކަން ކޮށްދެވާފައިވާ ބަޔަކަށޭ، ބުރިޖެއް އަޅަންބުނެ ނޭޅުނު ބަޔަކަށް އެކަމެއް ނުވާނެ. އައްޑޫ ސިޓީގެ ހިތަދޫއާއި ހުޅުދޫ މީދޫ ގުޅުވައިދޭ 15 ކިލޯ މީޓަރުގެ ބްރިޖް އަޅައިދީ އައްޑޫ ސިޓީ ރައްޔިތުންގެ ހުވަފެން ޙަޤީޤަތަކަށް ހަދައިދޭނަން.
– މުއިއްޒު މިހެން ވިދާޅުވުމާއިއެކު ޖަލްސާގައި ތިބި އައްޑޫ ރައްޔިތުން ހަޅޭކުގެ އަޑާއިއެކު އަތްޖަހައި މުއިއްޒުއަށް ވޯޓު ދިނުމަށް ގޮވާލިއެވެ.
މުއިއްޒު ވަނީ މީގެ އިތުރުންވެސް އައްޑޫގެ ތަރައްޤީއަށް ކޮށްދެއްވާނެ ބައެއް ކަންކަން މިއަދުގެ ޖަލްސާގައިވެސް ހިއްސާ ކުރައްވާފައެވެ. އެގޮތުން ހުޅުދޫގައި މަސްފެކްޓަރީ ޤާއިމްކޮށް 500 ވަޒީފާ އުފައްދާނެކަމަށާއި، އައްޑޫސިޓީ އެއާޕޯޓް އިތުރަށް ތަރައްޤީކުރާނެކަމަށް މުއިއްޒު ވިދާޅުވިއެވެ.
Progressive Congress Coalition ge Riyaasee candidate, Dr Mohamed Muizzu Addu City Hulhudhoo Meedhoo Rayyithunnaa badhdhalu kurevvun@MMuizzu @HucenSembe #Vote4Muizzu#DrMuizzuSembe2023#DhiveheengeRaajje#FreePresidentYameen pic.twitter.com/QdOQkZvGpD
— Progressive Party of Maldives (@ProgressPartyMV) August 22, 2023
މުއިއްޒު ވިދާޅުވީ ރާއްޖެ ކުރިއަށް ގެންދާނީތޯ ނުވަތަ ގެންދާނީ ފަހަތަށްތޯ ނިންމާނެ ދުވަހަކީ ސެޕްޓެމްބަރު މަހުގެ 9 ވަނަ ދުވަސް ކަމަށެވެ. މުއިއްޒު ވަނީ އައްޑޫ ރައްޔިތުން ކުރިއަށް އޮތް 17 ދުވަހު ހުއްޓާނުލައި މަސައްކަތްކޮށް މިވެރިކަން ނިންމައި، ޕީޕީއެމް، ޕީއެންސީގެ ވެރިކަމެއް ގާއިމް ކުރުމަށް މަަސައްކަތް ކުރައްވާނެކަމުގެ ޔަގީންކަން އޮތްކަމަށެވެ. އަދި އައްޑޫ ރައްޔިތުން ތިބި ޖޯޝާއި ފޯރި ފެނިފައި މިއިންތިޚާބު ބޮޑު ތަނުން ކާމިޔާބު ވާނެކަމުގެ ޔަގީންކަން ލިބިފައިވާކަމަށެވެ.
މުއިއްޒު ވިދާޅުވީ ރައީސް ޔާމީންގެ ޒަޢާމަތުގައި އައްޑޫ ސިޓީއަށް އައި ތަރައްޤީ ތަކުރާރުވާން އެދޭ މިންވަރު މިދަތުރުން ސާފުވެގެން ގޮސްފައިވާކަމަށެވެ. ވެރިކަމަށް އަންނަނީ ރައްޔިތުންގެ ހައްގުތަކާއި ރައްޔިތުން އެދޭ ތަރައްޤީ ހާސިލް ކޮށް ދެއްވުމަށް ކަމަށާއި، އެކަން ވެރިކަމުގެ ފަސް އަހަރުގައި ކޮށް ދެއްވާނެކަމަށް މުއިއްޒު ވިދާޅުވިއެވެ.
