ބޮލީވުޑްގެ ސްޕަސްޓާރު ސަލްމާން ހާން އޭނާގެ ކުރިއަށް އޮތް ފިލްމް އަށް ތައްޔާރު ވުމުގެ ގޮތުން ބޯ ވަރަށް ތުނިކޮން ކޮށައިލައިފިއެވެ.
ސަލްމާން ގެ ކުރިއަށް އޮތް ފިލްމް ގައި އޭނާ ފެނިގެންދާނީ އާމީ އޮފިސަރެއްގެ ގޮތުގައިއެވެ. އެއާއި އެކުގައި އިއްޔެ އޭނާ ފެނިގެން ގޮސްފައިވަނީ އާމީ ކަޓެއްގައި ވަރަށް ތުނިކޮށް ބޯކޮށާލައިފި ހުއްޓައިއެވެ.
ކުޅޭ ރޯލުތަކަށް ފިޓް ވުމަށްޓައިކައި ހަށިގަނޑާއި މިހާއަށް ބޮޑެތި ބަދަލުތަށް ގެނައުމަކީ ބޮލީވުޑްގެ ނަން މަޝްހޫރު ތަރިން އާންމުކޮން ކުރަމުން އަންނަ ކަމެކެވެ. އެގޮތުން ބަރުދަން އިތުރު ކުރުމާއި ބަރުދަން ލުއި ކުރުމުގެ އިތުރުން ސްޓައިލް އަށް ބަދަލު ގެނައުން ފާހަގަ ކޮށްލެވެއެވެ.
އެންމެ ފަހުން އާއްމުވި ސަލްމާންގެ ފޮޓޯތަކުގައި އޭނާ ހުރީ ބޯ ބަލައި ތަލަ ކޮށްގެންނެވެ. ވަރުގަދަ އިސްތަށިގަނޑެއް އޮންނަ ކަމަށް ބުނެވޭ ސަލްމާން ބޯ ބާލައިފައި ވާއިރުގައި މިއީ ސަލްމާން ކުރިއަށް އިތް ފިލްމްގައި ފެނިގެންދާނެ ގޮތެވެ.
މިއީ ކަރަން ޖޯހަރްގެ ދަރުމާ ޕްރޮޑަކްޝަނަށް 57 އަހަރުގެ އެކްޓަރު ކުޅޭ ފިލްމެކެވެ. ރަސްމީކޮށް އަދި އިއުލާން ނުކުރާ މި ފިލްމުގެ ޑައިރެކްޓަރަކީ އެ ސްޓޫޑިއޯގެ 2021 ގެ ކާމިޔާބު ބައޮގްރަފިކަލް ހަނގުރާމަ ފިލްމު "ޝޭރުޝާ" ގެ ޑައިރެކްޓަރު ވިޝްނޫ ވަރުދާން އެވެ.
ދަރުމާގެ ފިލްމަކަށް ސަލްމާން ސޮއިކޮށްފައި މި ވަނީ އެ ސްޓޫޑިއޯގެ ފިލްމެއް ކުޅުނުތާ 25 އަހަރު ފަހުންނެވެ. ދަރުމާ އަށް އޭނަ ކުޅުނު ފުރަތަމަ ފިލްމަކީ ކަރަންގެ އަލަތު ޑައިރެކްޝަން 1998 ގެ "ކުޗް ކުޗް ހޯތާ ހޭ" އެވެ.
