މި އަހަރުގެ މެއި މަހު ގެ ތެރޭގައި ލޯބިވެރިޔާ ރާގަވް ޗައްޑާއާ އެންގޭޖްވި ބޮލީވުޑްގެ ބަތަލާ ޕަރިނީތީ ޗޯޕްޅާ އަންނަ މަހުގެ 25 ގައި ކައިވެނިކުރަން ނިންމައިފި އެވެ.
ބޮލީވުޑްގެ ތަރި، ޕަރިނީތީ ޗޯޕްރާ އާއި އޭނާގެ ލޯބިވެރިޔާ، އިންޑިއާގެ އާމް އާދުމީ ޕާޓީ (އޭއޭޕީ)ގެ ލީޑަރެއް ކަމަށްވާ ރަގަވް ޗާއްޑާ އަންނަ ސެޕްޓެމްބަރު މަހުގައި ކައިވެނި ހަފްލާ ބޭއްވުމަށް ހަމަޖެހިފައިވަނީ ވަރަށް ކުލަގަދަކޮން ކަމަށް ރިޕޯޓްތަށް ބުނެއެވެ.
ކުރިން މީޑިއާއިން ބުނި ގޮތުގައި މިދެމީހުންގެ ކައިވެނި އޮންނާނީ އޮކްޓޯބަރު މަހުގައިއެވެ. ނަމަވެސް މީޑިއާތަކުން ބުނީ ކައިވެނީގެ ހަފުލާ ބާއްވާނީ ރާޖަސްތާންގެ ގަނޑުވަރެއްގައި ކަމަށެވެ. ޕަރިތީނީއާ ދެބޭންގެ ދެދަރި މަޝްހޫރު ބަތަލާ ޕްރިޔަންކާ ޗޯޕްޅާ އާއި ނިކް ޖޯނަސްގެ ކައިވެނީގެ ހަފުލާ ވެސް 2018 ގައި ބޭއްވީ ރާޖަސްތާންގެ ގަނޑުވަރެއްގަ އެވެ.
އެ މީހުންގެ ކައިވެނީގެ ސަންގީތު އާއި މެހެންދީގެ ހަފުލާ ވެސް އޮންނަނީ އަންނަ މަހުގެ 23،24 ގައި ރާޖިސްތާނުގަ އެވެ. ކައިވެންޏަށް ފަހު، ގުރުގާމްގައި އެ މީހުންގެ އާއިލާ އާއި ރައްޓެހިންނަށް ކައިވެނި ޕާޓީއެއް ވެސް ބާއްވަން ވަނީ ނިންމައިފަ އެވެ.
ޕަރިނީތީ، 34، އާ އެކީ ލަންޑަނުގައި ކިޔެވި ރާގަވް، 34، އަކީ އިންޑިއާގެ އިދިކޮޅު ޕާޓީއެއް ކަމަށްވާ އާމް އާދުމީ ޕާޓީ (އާޕް) ގެ މެމްބަރެއެއްގެ އިތުރުން އިތުރުން އިންޑިއާގެ ގާނޫނު ހަދާ މަޖިލީހުގެ މަތިގެ، ރާޖިއަ ސަބާގެ މެމްބަރެއް ވެސް މެ އެވެ.
ކޮމެންޓު ފޮނުވާ