ކ.މާފުށީ ކައުންސިލްގައި މިނިވަން މެމްބަރެއްގެ ގޮތުގައި އިންތިޚާބުވި ނަސީހް މުޙައްމަދު އެމްޑީޕީއަށް ސޮއި ކޮށްފިއެވެ.
ނަސީހު އެމްޑީޕީއާއި ގުޅުމަށްފަހު ފޯމު ހަވާލު ކުރެއްވީ އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުހައްމަދު ޞާލިހާއެވެ. ނަސީހު އެމްޑީޕީއަށް ސޮއިކުރެއްވުމަށްފަހު ވަނީ ރައީސް ޞާލިހާއި އެރަށުގެ ބައެއް ކަންކަމާއި ގުޅޭގޮތުން މަޝްވަރާ ކުރައްވާފައެވެ.
ނާސީހު ސޮއިކުރެއްވުމުން ކައުންސިލްގެ 5 މެމްބަރުން ތެރެއިން 4 މެމްބަރުންނަކީ އެމްޑީޕީ މެމްބަރުންނެވެ. އަނެއް މެމްބަރަކީ ޕީޕީއެމްއަށް ނިސްބަތްވާ މެމްބަރެކެވެ.
މާފުއްޓަކީ އެމްޑީޕީއަށް ބޮޑު ތާއީދެއް އޮންނަ ރަށެކެވެ. ލޯކަލް ޓޫރިޒަމް ރާއްޖޭގައި އެންމެ ބޮޑު އެއްރަށަކީ މާފުއްޓަށްވާއިރު އެރަށުގެ އަސާސީ ގިނަ ކަންކަން މިސަރުކާރުން ވަނީ ކޮށްދެއްވާފައެވެ. ރިޔާސީ އިންތިޚާބާއި ދިމާކޮށް ކައުންސިލްތަކުގެ މެމްބަރުންނާއި، ރައީސުން އެކި ޕާޓީތަކަށް ދަނީ ސޮއި ކުރަމުންނެވެ.
އެގޮތުން މިދިޔަ ހަފްތާ ބަންދުގައި ގައްދޫ ކަންސިލް ރައީސް އަހުމަދު މުހައްމަދާއި އިތުރު މެމްބަރަކު ވަނީ އެމްޑީޕީއާއި ގުޅިފައެވެ. މިދެބޭފުޅުންނަކީވެސް ޕީޕީއެމްއަށް ނިސްބަތްވާ ދެބޭފުޅުންނެވެ.
One Response
400000 ރުފިޔާ އަށް ނަފްސު ވިއްކާ މީހުން އުޅޭކަމީ ރަައްޔިތުންނަށް އިހްލާސްތެރި މަސައްކަތެއް ނުކޮށްދޭނެ މީހެއް މާފުށީ ރައްޔިތުން މުސްތަޤްބަލުގައި އޮންނަ ތަނުގައި ވިސްނާލުން ބުއްދިވެރި.