ގިނަ ދުވަސްވެފައިވާ ސިނަމާލެ، މާލެހިޔާ އަދި ވިލިމާލޭގެ ސިނަމާލެ ފްލެޓްތައް ތަޅާލައި އާ ފްލެޓްތައް އަޅާދޭނެ ކަމުގެ އުފާވެރި ޚަބަރު ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ.
ޑރ.މުއިއްޒުގެ މެނިފެސްޓޯގައި ހިމެނޭ ބޯހިޔާ ވަހިކަމާއި އާބަނައިޒޭޝަންގެ ސިޔާސަތު ހާމަ ކުރެއްވުމަށް ހިޔާ ފެލެޓް ސަރަހައްދުގައި ބޭއްވި ޖަލްސާގައި މުއިއްޒު ވަނީ މާލެ ސަރަހައްދުގައި ދިރިއުޅޭ ރައްޔިތުންގެ ތެރެއިން ސަރުކާރުން އަޅާދީފައިވާ ފްލެޓްތަކުގެ ތެރެއިން މާލޭގެ ސިނަމާލެ އަދި ވިލިމާލޭގެ ސިނަމާލެ ފްލެޓާއި، މާލެ ހިޔާގެ ފްލެޓްތައް ތަޅާލައި މުޅިން އާ ފްލެޓްތައް އަޅާ ދެއްވާނެކަމަށް ވައުދުވެ ވަޑައިގެންފައެވެ.
މާލޭގައި ހުންނަ ސިނަމާލެ، މާލެހިޔާ ފްލެޓްތައް އަދި ވިލިމާލޭގައި ހުންނަ ސިނަމާލެ ފްލެޓްތައް ތަޅާލާ، އާފްލެޓްތަކެއް އަޅާދޭނަން.
– ޑރ.މުއިއްޒު ވިދާޅުވިއެވެ.
މިހާރު ހުރި ސިނަމާލެ ފްލެޓުތަކަށް މިހާރު 30 އަހަރަށް ވުރެ ގިނަ ދުވަސްވެފައިވާއިރު، އެ ފްލެޓުތައް ހުރީ 128 އެޕާޓްމެންޓެވެ. އެޕާޓްމަންޓްތަކަށް ގިނަ ދުވަސްވެ ރަނގަޅަށް ނުބެލެހެއްޓުމުގެ ސަބަބުން އެ ޢިމާރާތައް ވަނީ ބޮޑެތި ގެއްލުންތަކެއް ވެފައެވެ. މިއާއެކު އެތަނުގައި ދިރއުޅޭ މީހުން ދަނީ ބޮޑެތި ތަކްލީފްތަކެއް އުފުލަމުންނެވެ.
މުއިއްޒު ވަނީ ވިލިމާލޭގައި ޢާންމު ރައްޔިތުންގެ ގޯތީގައި އިމާރާތްކުރެވޭ އުސްމިން 10 ބުރިއަށް ބަދަލުކޮށް، ވިލިމާލޭގެ ފެހި، ހިތްގައިމު، އިންޖީނުލީ އުޅަނދު ނުދުއްވާ މާޙައުލު ދެމެހެއްޓުމާއެކު، ފެނާއި ނަރުދަމާއާއި ކަރަންޓް ކެރިއިންގ ކަޕޭސިޓީ ދެގުނައަށް އިތުރުކޮށް، އަދި، ސްކޫލު، މިސްކިތް ފަދަ ތަންތަން އާބާތުރަފިލުވައި، ޚިދްމަތް އިތުރަށް ފުޅާކުރައްވާނެކަމަށް ވިދާޅުވެފައެވެ.
ދިވެހީންގެރާއްޖެ މެނިފެސްޓޯ އިފްތިތާޙުކުރުން
@MMuizzu @HucenSembe
#DhiveheengeRaajje #DhiveheengeUmmeedhu
#Vote4Muizzu
#DrMuizzuSembe2023
#FreePresidentYameen pic.twitter.com/yq69jxDOw9— Progressive Party of Maldives (@ProgressPartyMV) August 20, 2023
ހަމަ މިއާއިއެކު ނިކަމެތި ރައްޔިތުންނަށް އެހީތެރިވުމަށް އުތުރު ފައިސާ ހޯދުމުގެ މާތް ނިޔަތުގައި، ހުރިހާ ސިޓީއެއްގައި ވަޤްފު ބިންތައް އިތުރުކުރައްވާނެކަމަށް ވިދާޅުވިއެވެ. މީގެ އިތުރުން މުއިއްޒު ވަނީ ޒަމާނީ ފެންވަރުގެ އާ މަސްމާރުކޭޓޭއް މާލޭގައި ޤާއިމުކުރައްވާނެކަމަށް ވިދާޅުވެފައެވެ.
މުއިއްޒު ވިދާޅުވީ ނިމެމުންމިދާ ސަރުކާރުން ރައްޔިތުންނަށް ގޯތި ނުވަތަ ފްލެޓު ލިބޭނެކަމަށް ލިޔުން ދީފައިވާ އެއްވެސް ފަރާތެއް އުނި ކުރުމެއްނެތި، އެފަރާތްތަކަށް ގޯއްޗާއި ފްލެޓް، އެތަނަކުން އެމިންގަނޑަށް ލިބޭނެކަން ޔަޤީންކުރައްވާނެކަމަށެވެ.
