"ބިންވެރިޔާ ސްކީމުގެ" ދަށުން މާލެ ސަރަޙައްދުން ގޯތި ލިބޭ ފަރާތްތަކުގެ ތެރެއިން މިއަދުގެ ނިޔަލަށް ގުރުނެގުމަށް ހާޒިރުނުވާ ފަރާތްތަކުގެ ގުރުނެގުން މާދަމާ ކުރިއަށް ގެންދާ ގޮތަށް ނިންމައިފިއެވެ.
ޕްލޭނިން މިނިސްޓްރީން ވިދާޅުވީ ގުރުއަތަށް ހާޒިރު ނުވާ މީހުންގެ ގުރުއަތުން ކުރިއަށް ދާނީ މާދަމާ ހެނދުނު ގަލޮޅު ދަނޑުގައި 10 ޖަހާއިރު ކަމަށެވެ.
އެވަގުތަށް ގުރުނެގުމަށް ހާޒިރުނުވާ ފަރާތްތަކުގެ ގުރުނެގުމަށް ހަމަޖެހިފައިވަނީ މީޑިއާ ކުރިމަތީގައި މި މިނިސްޓްރީގެ ފަރާތުން ކަމަށް ވެސް ވިދާޅުވެފައި ވެއެވެ.
ސަރުކާރުން ހިންގާ "ބިންވެރިޔާ" ސްކީމްގެ ދަށުން ގޯތި ލިބޭ މީހުންގެ ދާއިމީ ލިސްޓުގައި 18،955 މީހުން ހިމެނެއެވެ.
މާލޭ ސަރަހައްދުން ގޯތި ދޫކުރާ ތިން ކެޓެގަރީގެ ގުރުލުން ކުރިއަށް ގެންދިޔައިރު އޭގެ ތެރޭގައި ހިމެނެނީ 2450، 3250، އަދި 3650 އަކަފޫޓުގެ ގޯތި ލިބޭ ފަރާތްތަކުގެ ގުރުނެގުމެވެ.
