ފާއިތުވެދިޔަ 20 އަހަރު ނުކުރާ ވަރަކަށް 20 ދުވަހު މަސައްކަތްކޮށްގެން ރައީސް ހޮވުމަށް އެމްޑީޕީގެ މެމްބަރުންގެ ކިބައިން އެޕާޓީގެ ޗެއާޕާސަން ފައްޔާޒު އިސްމާއިލް އެދިވަޑައިގެންފިއެވެ.
ރިޔާސީ ކެމްޕޭންގައި ގަލޮޅު އުތުރު ޖަގަހަ ހުޅުވުމަށް ބޭއްވި ރަސްމިއްޔާތުގައި ވާހަކަ ދައްކަވަމުން ފައްޔާޒު ވިދާޅުވީ މިސަރުކާރުން މާލޭގެ ރައްޔިތުންގެ އުންމީދިތައް ހާސިލް ކޮށްދެއްވާފައިވާކަމަށެވެ. މާލޭ ރައްޔިތުން އެންމެ ބޮޑަށް ފާއިތުވެދިޔަ 40 އަހަރު އުންމީދު ކުރަމުންދިޔައީ މާލެއިން ގޯއްޗެއް، ފްލެޓެއް ލިބުންކަމަށެވެ. އެކަން މިސަރުކާރުން ރައީސް އިބްރާހިމް މުހައްމަދު ޞާލިހު ނިމުމަކަށް ގެނެސްފައިވާކަމަށް ފައްޔާޒު ވިދާޅުވިއެވެ.
އާދެ ގޯތީގެ ވާހަކަ ދެކެވިއްޖެ 40 އަހަރު ވީއިރުގައި ގޯތި ދޭކަށް ނުކުރެނު. އަދި ނުކުރެނީ އެކަންޏެއްނޫން އަޅުގަނޑުމެން މިދިނީ 22،000 މީހުން ގޯއްޗަށް އެދުނީމަ އޭގެ ތެރެއިން 19،000 މީހުންނަށް ގޯތި ދީ ނިންމީ.
– ފައްޔާޒު ވިދާޅުވިއެވެ.
ފައްޔާޒު ވިދާޅުވީ ރިޔާސީ އިންތިޚާބާއި މިދޭތެރޭގައި ކުރިއަށް އޮތް 20 ދުވަހަކީ ވަރަށް ބުރަކޮށް މަސައްކަތް ކޮށްގެން ރައީސް ޞާލިހު ދެވަނަ ދައުރަކަށް އިންތިޚާބު ކުރަން މަސައްކަތް ފަށަންވީ 20 ދުވަސް ކަމަށެވެ. ފައްޔާޒު ވަނީ އެމްޑީޕީގެ އާންމު މެންބަރުންނާއި ދިވެހި ރައްޔިތުން އެކަތިގަނޑަކަށްވެ ރައީސް ޞާލިހު ހޮއްވެވުމަށް މަސައްކަތް ކުރުމަށް އެދިފައެވެ.
އަޅުގަނޑު ތިޔަ އެންމެހާ ބޭފުޅުން އެރިހުން އެދެނީ މިބާކީ އޮތް 20 އަށް ދުވަހުގެ ތެރޭގައި، ކުރިން ނުކުރާ ވަރުގެ މިވޭތުވެދިޔަ 20 އަހަރު ނުކުރައްވާ ވަރަށް މަސައްކަތް ކުރައްވާ މި 20 ދުވަހު ހިފަހައްޓާލަ ދެއްވާށޭ.
– ފައްޔާޒު ވިދާޅުވިއެވެ.
📍 ގަލޮޅު އުތުރު ޖަގަހަ ހުޅުވުމުގެ ރަސްމިއްޔާތު
👈 ފާށަނާކިލޭގެ މަގު (ގ. ގާނެޓް )🟡 @faya_i @ReekoMoosa @NaseemMikaeel
#IbuAslam2023#UfaaveriAmaanRaajje pic.twitter.com/8I97qyooH1
— 🇲🇻 ޢިމާޛު (@imax2580x) August 19, 2023
ގަލޮޅު އުތުރު ޖަގަހަ ހުޅުމަށް ބޭއްވި ރަސްމިޔާތުގައި ރައްޔިތުންގެ މަޖިލީހުގެ މެމްބަރު މީކާއިލް ނަސީމާއި، މާލޭގެ ކުރީގެ މޭޔަރު ސަރަގު އާދަމް މަނިކާއި، އެމްޑީޕީގެ އާންމެ މެމްބަރުންވެސް ބައިވެރި ވެފައިވެއެވެ.
