ރިިޔާސީ އިންތިޚާބު ކާމިޔާބުވެ، ވެރިކަން ލިބިއްޖެނަމަ ފ.އަތޮޅަކީ ތަރައްޤީގެ އާ އުސްމިންތަކަކަށް ގެންދާނެ ތަރައްޤީގެ މުހިންމު އަތޮޅަކަށް ވެގެންދާނެކަމަށް ޕީއެންސީގެ ރިޔާސީ ކެންޑިޑޭޓް ޑރ.މުހައްމަދު މުއިއްޒު ވިދާޅުވެއްޖެއެވެ.

ރިޔާސީ ކެމްޕޭންގައި ނިލަންދޫގައި މިރޭ ބޭއްވި ޖަލްސާގައި ވާހަކަ ދައްކަވަމުން މުއިއްޒު ވިދާޅުވީ ފ.އަތޮޅަކީ، ވަކިން ޚާއްސަކޮށް ނިލަންދުއަކީ ރައީސް ޔަމީނަށް ތާއީދު ބޮޑު އަތޮޅަކާއި، ރަށެއް ކަމަށެވެ. މިސަރުކާރުން ފ.އަތޮޅަށް އިހުމާލުވީ ނަމަވެސް ކުރިއަށް އޮތް ޕީޕީއެމް، ޕީއެންސީގެ ވެރިކަމެއްގައި ފ.އަތޮޅުގެ ރައްޔިތުންނަށް ތަރައްޤީގެ އާ އުސްމިންތަކެއް ހާސިލް ކޮށްދެއްވާނެކަމަށް މުއިއްޒު ވިދާޅުވިއެވެ.

މުއިއްޒު ވިދާޅުވި ގޮތުގައި ރާއްޖޭގައި އޮތް އެންމެ މުހިންމު ސިނާއަތަކީ ފަތުރުވެރިކަމުގެ ސިނާއަތެވެ. ރާއްޖެ އަށް އެންމެ ބޮޑު ފައިދާއެއް ކުރަނީ ފަތުރުވެރިކަމުގެ ސިނާއަތުން ކަމަށް ވެސް އޭނާ ވިދާޅުވިއެވެ. އެހެންވެ، ވެރިކަމަށް ވަޑައިގެންފި ނަމަ، މަދުވެގެން ތިން ރިސޯޓު ތަރައްގީ ކުރައްވާނެ ކަމަށް ވިދާޅުވިއެވެ.

މުއިއްޒު ނިލަންދު އަށް ވެވަޑައިގެންނެވި ވައުދުތައް:

1- ނިލަންދޫ ބަނދަރު ހުރިހާ މޫސުމަކަށް ފަސޭހަ، ރައްކާތެރި ބަނދަރަކަށް ހެދުން.
2- ނިލަންދޫ މަގުތަކުގައި ތާރު އަޅައި ރަނގަޅު ފެންވަރަކަށް ތަރައްގީ ކުރުން.
3- ސިއްހީ މަރުކަޒު ތަރައްގީކޮށް ނުލިބޭ ހިދުމަތްތައް ފޯރުކޮށްދިނުން.

މުއިއްޒު ފީއައްޔަށް ވެވަޑައިގެންނެވި ވައުދުތައް:

1- ފީއަލީގެ މަގުތަކުގައި ތާރު އަޅައި ރަނގަޅު ފެންވަރަކަށް ހެދުން.
2- ފީއަލީގެ ބަނދަރު ރައްޔިތުން ބޭނުންވާ ގޮތަށް ބޮޑު ކުރުން.
3- ފީއަލީގެ ކަނޑު ޖެޓީ ރަނގަޅު ފެންވަރަކަށް ތަރައްގީ ކުރުން.
4- ފުޓްބޯޅަ ދަނޑަކާއި ބަށި ކޯޓެއް ގާއިމު ކުރުން.
5- ސްކޫލަށް ބޭނުންވާ މަލްޓި ޕާޕަސް ހޯލް އިތުރުކޮށްދިނުން.
6- އިތުރު މިސްކިތެއް ބިނާ ކުރުން.

މުއިއްޒު ބިލެތްދު އަށް ވެވަޑައިގެންނެވި ވައުދުތައް:

1- ބިލެތްދޫގެ ބަނދަރު ތަރައްގީކޮށް ތަނަވަސްކޮށްދިނުން.
2- ބިލެތްދޫގައި ފުޓްބޯޅަ ދަނޑެއް ގާއިމުކުރުން.
3- ބިލެތްދޫގެ މަގުތައް ޒަމާނީ ފެންވަރަށް ތަރައްގީ ކުރުން.
4- ބިލެތްދޫގައި އިންޑޯ ޖިމް ފަދަ ކުޅިވަރު ވަސީލަތްތައް ގާއިމުކުރުން.

މުއިއްޒު ދަރަބޫދުއަށް ވެވަޑައިގެންނެވި ވަޢުދުތައް:

1- ދަރަނބޫދޫގައި ފުޓްބޯޅަ ދަނޑު، ވޮލީ ކޯޓު، ޔޫތު ސެންޓަރު ތަރައްގީ ކުރުން.
2- ދަރަނބޫދޫގައި ކުޅިވަރު ވަސީލަތްތައް ގާއިމު ކުރުން.
3- ދަރަނބޫދޫ ސްކޫލްގައި މަލްޓި ޕާޕަސް ހޯލެއް އިމާރާތް ކުރުން.
4- ދަރަނބޫދޫގައި ސިއްހީ މަރުކަޒު ތަރައްގީކޮށް ދިނުން.

މުއިއްޒު މަގޫދޫ އަށް ވެވަޑައިގެންނެވި ވައުދުތައް:

1- މަގޫދޫ ސިއްހީ މަރުކަޒު ރަނގަޅު ފެންވަރަކަށް ތަރައްގީ ކުރުން.
2- މަގޫދޫ ސްކޫލްގައި މަލްޓި ޕާޕަސް ހޯލެއް އެޅުން.
3- މަގޫދޫ ފަޅު ހިއްކައިގެން ތިން ރިސޯޓު ހެދުން.

PPM PNC ge Riyaasee Candidate Dr. Mohamed Muizzu F. Nilandhoo rayyithunnaa badhdhalu kurevvun
@MMuizzu @HucenSembe#Vote4Muizzu #DrMuizzuSembe2023#DhiveheengeRaajje #FreePresidentYameen pic.twitter.com/TaXd0eiNNZ

— Progressive Party of Maldives (@ProgressPartyMV) August 17, 2023

މީގެއިތުރުން މުއިއްޒު ވިދާޅުވީ މި އަތޮޅުގެ ފަސް ރަށަށް ވެސް ބިން ހުރި މިންވަރުން ބިން ހިއްކައިގެން އަތޮޅުގެ ހުރިހާ ރަށަކަށް ހައުސިން ޔުނިޓް ނުވަތަ ރޯ ހައުސް އިމާރާތް ކުރުމުގެ މަޝްރޫއުތައް ކުރިއަށް ގެންދާނެ ކަމުގެ ޔަގީންކަން ރައްޔިތުންނަށް ދެއްވާ ކަމަށެވެ. އަދި ގެދޮރު އިމާރާތް ކުރުމަށް ހައުސިން ލޯން ލިބޭނެ ގޮތް ހަމަޖައްސައި ދެއްވާނެ ކަމަށް ވެސް މުއިއްޒު ވިދާޅުވިއެވެ.