ޓްރާންސްޕޯޓް މިނިސްޓްރީގެ ޑެޕިއުޓީ މިނިސްޓަރު ހަމަދު އަބްދުލްޣަނީ ވެރިކަން ކުރާ، އެމްޑީޕީއަށް ސޮއިކުރަން ނިންމައިފިއެވެ.
އޭނާ މިކަން އިއުލާނު ކުރެއްވީ ކުރެއްވި ޓުވީޓެއްގައެވެ. ހަމަދު ކުރިން ހުންނެވީ ޖުމްހޫރީ ޕާޓީގައެވެ. ހަމަދުގެ ޓުވީޓެއްގައި ވިދާޅުވެފައިވަނީ އެމްޑީޕީއާ ގުޅެން ނިންމެވީ، ރައީސް އިބްރާހިމް މުހައްމަދު ސާލިހަށް ދެވަނަ ދައުރެއް ލިބިގެން "އުފާވެރި އަމާން ރާއްޖެ" އަށް ވާސިލުވެވޭނީ ރައީސް ސާލިހަށް ދެވަނަ ދައުރެއް ލިބިގެން ކަމަށެވެ. އަދި ގައުމަށް އެންމެ ފައިދާ ހުރިގޮތަކީވެސް އެއީކަމަށް ވެސް ހަމަދު ވިދާޅުވިއެވެ.
ހަމަދަކީ ޖުމްހޫރީ ޕާޓީއަށް ނިސްބަތްވާ ޓްރާންސްޕޯޓް މިނިސްޓަރު އައިޝަތު ނަހުލާގެ ގާތް ބޭފުޅެކެވެ. ޖުމްހޫރީ ޕާޓީގެ ފަރާތުން އެ ޕާޓީގެ ލީޑަރު ގާސިމް އިބްރާހިމް ވެސް ރިޔާސީ އިންތިހާބުގައި ވާދަ ކުރައްވައެވެ.
I have decided to join @MDPSecretariat. 💛
I believe that re-electing HEP @ibusolih will benefit the nation. His principles and ethics align with mine.
The #IbuAslam2023 combination is a winning one, and one that will lead to an #UfaaveriAmaanRaaje. pic.twitter.com/QnyRT1xy7v
— Hamadh Abdul Ghanee (@GhaneeHamadh) August 15, 2023
ޖުމްހޫރީ ޕާޓީގެ ސްލޮޓްތަކުގައި ސަރުކާރުގެ މަގާމުތަކުގައި ތިއްބެވި ބޭފުޅުންގެ ތެރެއިން ޓޫރިޒަމް މިނިސްޓަރު މައުސޫމް ވެސް ދާދިފަހުން ވަނީ އެ ޕާޓީން ވަކިވެ ވަޑަައިގެންފައެވެ. އަދި އެހެން ބައެއް ސިޔާސީ މަގާމުތަކުގައި ތިއްބެވި ޖުމްހޫރީ ޕާޓީގެ މެމްބަރުން ވެސް އެ ޕާޓީން ވަކިވެ، އެމްޑީޕީއާ ވަނީ ގުޅިފައެވެ.
ކޮމެންޓު ފޮނުވާ