މާލެ އިން ގޯތި ދެވޭނީ ސިޓީ ކައުންސިލަށް ކަމަށާއި، ޕްލޭނިން މިނިސްޓްރީން މާލޭ ސަރަހައްދުން ގޯތި ދިނުމަކީ އެމިނިސްޓްރީން ޢައިރު ގާނޫނީ ކަމެއްގެ ތެރެއަށް ވަނުން ކަމުގައި، އަލަށް އުފެއްދި ޑިމޮކްރެޓްސް ޕާޓީގެ ފައުންޑަރ، ކުރީގެ ރައީސް ނަޝީދު ވިދާޅުވެއްޖެއެވެ.

ކުރިއަށް އޮތް ރިޔާސީ އިންތިހާބުގައި ދަ ޑިމޮކްރެޓްސްގެ ފަރާތުން ވާދަކުރައްވާ ރިޔާސީ ކެންޑިޑޭޓް، އިލްޔާސް ލަބީބުގެ މެނިފެސްޓޯގައި ހިމެނޭ "ފަރުދީ ތަނަވަސްކަން، އަބުރުވެރި ހަޔާތެއް،" ލޯންޗުކުރުމަށް މިރޭ ސަލްޓަން ޕާކުގައި ބޭއްވި ޖަލްސާގައި ވާހަކަ ދައްކަވަމުން ނަޝީދު ވިދާޅުވީ މާލެއިން ގޯތި ދިނުމަކީ ޕްލޭނިން މިނިސްޓްރީއާ ބެހޭކަމެއް ނޫން ކަމުގައެވެ. އެގޮތުން ރާއްޖޭގެ ޕްލޭނިން މިނިސްޓްރީން ރާއްޖޭގެ ރަށްރަށުންވެސް ގޯތި ދޫކުރަން ފަށައިފިނަމަ އެރަށްރަށުގެ ކައުންސިލުން ކުރާނެކަމެއް ނޯންނާނެ ކަމުގައިވެސް މިރޭގެ ޖަލްސާގައި ވާހަކަ ދައްކަވަމުން ނަޝީދު ވިދާޅުވިއެވެ.

އައިރު ގާނޫނީ ކަމެއްގެ ތެރެއަށް މިނިސްޓަރު ވެދެވަޑައިގަންނަވަނީ އޭ. މިއީ މާލެ ސިޓީ ކައުންސިލުގެ މަސައްކަތެއް.

ހައުސިން މިނިސްޓަރު އަސްލަމަށް ފާޑު ވިދާޅުވަމުން މިރޭގެ ޖަލްސާގައި ނަޝީދު ވިދާޅުވި އެވެ.

މި ޖަލްސާގައި އިތުރަށް ވާހަކަ ދައްކަވަމުން ނަޝީދު ވިދާޅުވީ ހައުސިން މިނިސްޓަރު މާލެއިން ގޯތު ދޫކުރާ މައްސަލަ މިއަދުވެސް އެހެން ފަރާތަކުން ކޯޓަށް ހުށަހަޅައިފިނަމަ މިނިސްޓަރ އެމަސައްކަތް ހުއްޓާލަން ޖެހޭނެ ކަމަށެވެ.

ނިކަން ވިސްނާލައްވާ މިހާރު މިސާލަކަށް އެހެން ރަށަކަށް، ތުލުސްދޫ އިން ގޯތި. މިތަނުން ހައުސިން މިނިސްޓްރީ އިން ދޭން ފަށައިފިއްޔާ ތުލުސްދޫ ކައުންސިލުގެ ކުރާނެ މަސައްކަތެއް ވެސް ނޯންނާނެ.. މިއީ ކައުންސިލުން ކުރަން ޖެހޭ ކަމެއް. އަޅުގަނޑު ދަންނަވާނީ އެ މަސައްކަތް ކައުންސިލުން ކުރުމަށް ޑިމޮކްރެޓުންގެ ސަރުކާރެއްގައި، ފުރިހަމަ އެއްބާރުލުންދީ، އެހީތެރިކަން ފޯރުކޮށްދޭނެ."

ނަޝީދު ވިދާޅުވި އެވެ.

ސަރުކާރުގެ ބިންވެރިޔާ ސްކީމުގެ ދަށުން މާލޭ ސަރަަހައްދުން ގޯތި ލިބުނު ފަރާތްތަކަށް ސަރުކާރުން މިއަދުވަނީ އިންވަކިކޮށް ގޯތި ހަވާލުކުރަން ފަށާފައެވެ.