ރިޔާސީ އިންތިޚާބު ބޮއިކޮޓު ކުރުމާއި ގުޅޭގޮތުން އިދިކޮޅު ޕްރޮގްރެސިވް ކޮންގްރެސް ކޯލިޝަންގެ ސެނެޓުން ގޮތެއް ނިންމުމަށް މިއަދު 1:30ގައި ސެނެޓް ބޭއްވުމަށް ހަމަޖެހިއްޖެއެވެ.

ސެނެޓް ބައްދަލުވުން ބާއްވަނީ ރިޔާސީ އިންތިޚާބުގައި ރައީސް ޔާމީނަށް ވާދަނުކުރެވޭނެކަން ސްޕްރީމް ކޯޓުން މިއަދު ހުކުމް ކުރުމާއި ގުޅިގެން އިންތިޚާބުގައި އެކޯލިޝަނުން ބޮއިކޮޓް ކުރުމަށް ރައީސް ޔާމީންގެ ފަރާތުން ލިބިފައިވާ ނޯޓާއި ގުޅިގެންނެވެ. މިއަދުގެ ސެނެޓްގެ އެޖެންޑާގައި އޮތީ މިކަން އެކަންޏެވެ.

އިންތިޚާބު ބޮއިކޮޓް ކުރުމަށް ސެނެޓަށް ފެންނަ ނަމަ ގޮތެއް ނިންމުމަށް ރައީސް ޔާމީން އެދި ވަޑައިގެންފައިވާއިރު، ޕީއެންސީން ވަނީ މާލެ ސިޓީގެ މޭޔަރު ޑރ.މުއިއްޒު އިންތިޚާބުގައި ވާދަކުރުމަށް ނިންމާފައެވެ.

11 އަހަރުގެ ޖަލު ހުކުމެއް ތަންފީޒުކުރައްވަމުން ގެންދަވާ ރައީސް ޔާމީންގެ ކެންޑިޑަސީ ބަލައިނުގަތުމަށް އިސީން ނިންމެވި އެއް ސަބަބަކީ 12 މަސް ދުވަހަށްވުރެ ދިގު މުއްދަތެއްގެ ހުކުމެއް ތަންފީޒުކުރައްވަން ގެންދެވުމެވެ. އަދި ހުކުމާއި ގުޅިގެން ދައްކަންޖެހޭ ޖޫރިމަނާ ކަނޑައެޅިފައިވާ މުއްދަތުގައި ދައްކާފައި ނުވާތީ ސާބިތު ދަރަންޏެއް އޮތްކަމަށްވެސް އީސީން ވަނީ ނިންމަވާފައެވެ.

މި މައްސަލާގައި ޔާމީންގެ ފަރާތްޕުޅުން ހުށައެޅުއްވި ނުކުތާތަކަށް ކޯޓުން ސުޕްރީމްކޯޓުން ވަނީ ޖަވާބު ދެއްވާފައެވެ. މިގޮތުން ސާބިތު ދަރަނީގެ މައްސަލާގައި ނެގި ނުކުތާއަށް ޖަވާބު ދެއްވަމުން ސުޕްރީމްކޯޓްގެ ހުކުމުގައިވަނީ ރައީސް ޔާމީންނަށް ިއއްވާފއިވާ ޖަލުހުކުމާއި އެކު ދައްކަންޖެހޭ 5 މިލިއަން ޑޮލަރުގެ ޖޫރިމަނާ ދައްކަންދިން 6 މަސްދުވަހު މުއްދަތު ހަމަވެފައިވާކަމަށެވެ. އަދި އެކަން ކަމާއި ބެހޭ އިދާރާއިން ނާންގާކަމަށް ރައީސް ޔާމީން ކޯޓުގައި ވިދާޅުވިނަމަވެސް އެކަމާއި ގުޅިގެން މީރާއިން ފޮނުއްވި ލިޔުން ރައީސް ޔާމީނާ ކަރެކްޝަނުން ހަވާލުކުރުމުން އެ ލިޔުން އެމަނިކުފާނުގެ ވަކީލުންނަށް އެރުވުމަށް އެދި ކަރެކްޝަންސްގެ ލިޔުންތަކުގައި ސޮއިކުރައްވާ ޕިންގަރ ޕްރިންޓް ޖަހާފައިވާކަމަށެވެ.

ސުޕްރީމް ކޯޓްގެ ހުކްމުގައިވަނީ ރައީސް ޔާމީންނަށް އިއްވާފައިވާ ޖަލުހުކުމާއި އެކު ދައްކަންޖެހޭ 5 މިލިއަން ޑޮލަރުގެ ޖޫރިމަނާ ދައްކަން ދިން 6 މަސްދުވަހު މުއްދަތު ހަމަވެފައިވާކަމަށެވެ. އަދި އެކަން ކަމާއި ބެހޭ އިދާރާއިން ނާންގާކަމަށް ރައީސް ޔާމީން ކޯޓުގައި ވިދާޅުވިނަމަވެސް އެކަމާއި ގުޅިގެން މީރާއިން ފޮނުއްވި ލިޔުން ރައީސް ޔާމީނާ ކަރެކްޝަނުން ހަވާލުކުރުމުން އެ ލިޔުން އެމަނިކުފާނުގެ ވަކީލުންނަށް އެރުވުމަށް އެދި ކަރެކްޝަންސްގެ ލިޔުންތަކުގައި ސޮއިކުރައްވާ ޕިންގަރ ޕްރިންޓް ޖަހާފައިވާކަން ސުޕްރީމް ކޯޓްގެ ހުކުމްގައި ވަނީ ފާހަގަކުރައްވާފައެވެ.

އެއްވެސް ކޯޓަކުން ފައިސާއެއް ދައްކަން އަމުރުކޮށްފައިވުމަކީ އެ ފައިސާއަކީ އޭނާ ދައްކަންޖެހޭ އެއްޗެއްކަން އެންގެން އޮންނާތީ އެ ފައިސާއެއް ދައްކަންޖެހޭ މުއްދަތުގައި ނުދައްކާ އޮތުމުން އެއީ ސާބިތު ދަރަންޏަކަށް ބަދަލުވެފައިވާކަމަށް ބެލޭނެކަމަށްވެސް ސުޕްރީމްކޯޓްގެ ހުކުމުގައިވެއެވެ. އަދި އެ މައްސަލަ މަތީ މަރުހަލާގެ ކޯޓެއްގައި އިސްތިއުނާފުކޮށްފައި އޮތުމަކީ އެ ފައިސާ ދައްކަން ނުޖެހޭ ސަބަބެއްނޫންކަމަށްވެސް ސުޕްރީމްކޯޓްގެ ހުކުގައި ވަނީ ބަޔާންކޮށްފައެވެ.

މި މައްސަލާގައި އެންމެ ބޮޑު އެއް ބަހުސަކަށްވީ ޤާނޫނު އަސާސީގެ 109 ބުނާ ޝަރުތު ރައީސް ޔާމީންގެ ކިބައިގައި ފުރިހަމަ ނުވާކަމަށް ކަނޑައެޅީ ނިހާއީ ހުކުމެއް އޮތުމުންކަމަށް އެމަނިކުފާނުގެ ވަކީލުން ފާހަގަކުރެއްވި ނުކުތާއަށެވެ. މި ނުކުތާ ރައީސް ޔާމީންގެ ޓީމުން ފާހަގަކޮށްފައިވަނީ ސުޕްރީމް ކޯޓުން މީގެކުރިން ނިންމަވާފައިވާ ބައެއް ނިންމުންތަކާއި ހަވާލާދެއްވާފައެވެ.

މި ނުކުތާއަށް ޖަވާބު ދެއްވަމުން ސުޕްރީމްކޯޓްގެ ހުކުމުގައިވަނީ މީގެކުރިން އެކޯޓުން ނިންމާފައިވާ ނިންމުންތައް ރައީސް ޔާމީން މިހާލަތާ އަޅައި ނުކިޔޭނެކަމަށެވެ. އެގޮތުން އެއީ އެމީހުންގެ ވަޒީފާއާއި ގުޅޭ މައްސަލަތަކެއްކަމަށާއި އެއީ މުސްތަގުބަލުގައި ލިބިދާނެ މަޤާމަކާއި ގުޅޭ މައްސަލައެއް ނޫންކަމަށެވެ.

ގާނޫނު އަސާސީގެ 109 ވަނަ މާއްދާގައި ބުނާ ވާހަކަ އެއީ ނިހާއީ ހުކުމެއް ގޮތުގައި މާނަނުކުރެވޭނެކަމަށްވެސް ސުޕްރީމްކޯޓްގެ ހުކުގައިވެއެވެ. އެގޮތުން އެ މާއްދާ ފާސްކުރުމުގައި ރައްޔިތުންގެ ހާއްސަ މަޖިލީހުގެ ކޮމެޓީގެ ނިޔަތަކީ ޖަލުގައި ހުކުމެއް ތަންފީޒުކުރާ މީހުންނަށް އެފުރުސަތު ނުދިނުންކަމަށެވެ.

ޕީޕީއެމުން އެހެން ކެންޑިޑޭޓަކު ނެރެން އިތުރު ފުރުސަތު ދޭން އިލެކްޝަންސް ކޮމިޝަންގެ މައްޗަށް އަމަރުކޮށްދިނުމަށް ރައީސް ޔާމީން ވަނީ މައްސަލައިގެ ތެރެއިން އެދިވަޑައިގެންފައެވެ.

އެހެންނަމަވެސް ސުޕްރީމްކޯޓްގެ ނިންމުމުގައި މިކަމަށް ރިއާޔަތްކޮށްފައެއް ނުވެއެވެ. މި ނުކުތާއަށް ޖަވާބުދާރީވަމުން އިލެކްޝަންސް ކޮމިޝަނުން ސުޕްރީމްކޯޓްގައި ބުނެފައިވަނީ އިންތިޚާބުގައި ވާދަކުރުމުގެ ފުރުސަތު ޕީޕީއެމަށް އަދިވެސް އޮތްކަމަށެވެ. އަދި މިހާރު ކަނޑައެޅިފައިވާ މުއްދަތަށްވުރެ ތާރީހުތައް ފަސްކޮށްފިނަމަ އިންތިޚާބު ބާއްވަން ޤާނޫނުގައި ކަނޑައެޅިފައިވާ ތާރީހަށް ނުބޭވޭނެކަމަށެވެ. ސަބަބެއްކަމަށް އީސީން ވިދާޅުވީ އަލުން ވޯޓަރސް ލިސްޓް އެކުލަވާލުމާއި ދެން ހުރި އެހެން ހުރިހާކަމަކަށް ފުރުސަތު ދޭންޖެހުމެވެ.