ރިޔާސީ އިންތިހާބުގައި ވޯޓުލުމަށް ރީ-ރަޖިސްޓަރީ ކުރުމަށް އިލެކްޝަންސް ކޮމިޝަން (އީސީ) އިން ހުޅުވާލި ފުރުސަތު މިރޭ 10 އަށް އިތުރުކޮށްފިއެވެ.
އިލެކްޝަންސް ކޮމިޝަނުން މީގެކުރިން ނިންމާފައި އޮތީ މިއަދު ހަވީރު ހަތަރެއް ޖަހާއިރު ރީ-ރަޖިސްޓްރޭޝަންގެ މުއްދަތު ހަމަވާ ގޮތަށެވެ.
މިއަދަކީ ރީ-ރަޖިސްޓަރީ ކުރުމުގެ އެންމެ ފަހު ދުވަސް.
މިރޭ 10 ޖަހަންދެން ރީ-ރަޖިސްޓަރީ ކުރުމުގެ މަސައްކަތް ހިނގަމުންދާނެ.
VR (space) ID number to 1414.#visnun23 @ElectionsMv @mvpeoplesmajlis @presidencymv @psmnewsmv @MDPSecretariat @ProgressPartyMV @Jumhooree_MV @MNP_Secretariat…— Ismail Habeeb (@IsmailHabeeb) August 5, 2023
އިލެކްޝަންސް ކޮމިޝަންގެ ނައިބު ރައީސް އިސްމާއިލް ހަބީބް ވިދާޅުވީ މިއަދަކީ ރީ-ރަޖިސްޓްރީ ކުރުމުގެ އެންމެ ފަހު ދުވަސް ކަމަށާއި މިރޭ 10 ޖަހަން ދެން ރީ-ރަޖިސްޓްރީ ކުރުމުގެ މަސައްކަތް ހިނގަމުންދާނެ ކަމަށެވެ.
އިންތިހާބަށް މިހާރު ރީ-ރަޖިސްޓްރީ ކުރެވޭނީ ފޯމު މެދުވެރިކޮށެވެ. އޮންލައިންކޮށް ރީ-ރަޖިސްޓްރީވުމުގެ ފުރުސަތު މިދިޔަ ބުދަ ދުވަހު ވަނީ ހަމަވެފައެވެ. ރީ-ރަޖިސްޓްރީ ކުރެވޭނީ ފޯމް، އިލެކްޝަންސް ކޮމިޝަނަށް ނޫނީ ފޯކަލް ޕޮއިންޓަކަށް ހުށަހަޅައިގެންނެވެ.
އިންތިހާބަށް ރީ-ރަޖިސްޓަރީ ވާން ހުޅުވާލިޔަސް، މާލޭގައި ވޯޓުލުމަށް މީގެ ކުރިން ރަޖިސްޓަރީ ވެފައިވާ މީހުން އަލުން ރަޖިސްޓަރީ ކުރަން ނުޖެހޭނެއެވެ. އެކަމަކު، މާލެ ފިޔަވައި، ރަށްވެފައިވާ ރަށް ނޫން އެހެން ރަށެއްގައި ދިރިއުޅޭ ހުރިހާ މީހުން އަލުން ރަޖިސްޓަރީ ކުރަން ޖެހެއެވެ.
އެމްޑީޕީން ވަނީ ރީ-ރަޖިސްޓްރީ ކުރަން ބޭނުންވާ މީހުންނަށް އެހީތެރިވެ ދިނުމަށް ނިންމައިފައެވެ. އެގޮތުން މާލޭގައި ހުންނަ ދަނޑިކޮށި ޖަގަހަ އާއި ސޯސަން ޖަގަހަ އާއި ހުޅުމާލެ ފުރަތަމަ ފިޔަވައްސާއި ދެވަނަ ފިޔަވަހީގެ ޖަގަހައިން ރީ ރަޖިސްޓްރޭޝަނަށް އެހީތެރިވެދޭނެ ކަމަށް އެ ޕާޓީން ވަނީ ބުނެފައެވެ.
އެހެން ބައެއް ޕާޓީތަކުން ވެސް އެކަމުގައި ދަނީ އެހީތެރިކަން ފޯރުކޮށްދެމުންނެވެ.
