ސައުތުގެ ސްޕަސްޓާރު ރަޖްނީ ކާންތުގެ ފިލްްމް "ޖެއިލާ" ގެ ޓްރެއިލާ ބެލުންތެރިންނަށް ދޫކޮށްލައިފި އެވެ.
މި ފިލްމްގެ ޓްރެއިލާ ބެލުންތެރިންނަށް ދޫކޮށްލައިފައިވަނީ އޭނަގެ ސިގްނޭޗާލާ ސްޓައިލްގައިއެވެ. ރަޖްނީކާންތުގެ ފިލްމެއް ސިނަމާއަށް މި ގެންނަނީ ދެ އަހަރަށް ފަހު އެވެ. މިއީ ހަމަ އޭނާގެ ސްޓައިލްގެ ވަރުގަދަ ތަޅާފޮޅާ މަންޒަރުތައް ހިމެނޭ ފިލްމެކެވެ.
މި މަހުގެ 10 ގައި ސިނަމާތަކަށް ގެންނަން ހަމަޖެހިފައިވާ މި ފިލްމަކީ ނެލްސަބް ލިޔެ، ޑައިރެކްޓްކޮށްފައިވާ ބްލެކް-ކޮމެޑީ އެކްޝަން ފިލްމެކެވެ. މި ފިލްމްގައި ރަޖްނިކާންތ ފެނިގެންދާނީ ފުލުހެއްގެ ގޮތުގައިއެވެ.
"ރަޖްނީ ދަ ޖެއިލާ"ގައި ރަޖްނީކާންތުއާ އެކު މުހިންމު ރޯލުތަކުން ފެންނާނީ ތަމަންނާ ބާޓިއާ، މޯހަންލާލު، ޖެކީ ޝްރޮފް، ރާމިއާ ކްރިޝްނަން، ޔޯގީ ބާބޫ، ވަސަންތު ރަވީ އަދި ޝިވާ ކުމާރާއި ސުނިލްއެވެ.
މިހާތަނަށް އެތައް ފިލްމެއް ކުޅެފައިވާ ރަޖްނީކާންތު އެންމެ ފަހުން ފެނިފައި ވަނީ 2021 ގެ "އައްނާތެ" އިންނެވެ.
