އަންނަ މަހުގެ 9 ވަނަ ދުވަހު ބާއްވާ ރިޔާސީ އިންތިޚާބުގައި ވާދަ ކުރުމަށް އިލެކްޝަނަށް ފޯމު ހުށަހެޅުމަށް ޖުމްހޫރީ ޕާޓީގެ ރިޔާސީ ކެންޑިޑޭޓް ޤާސިމް އިބްރާހިމް ކުށުގެ ރެކޯޑު ސާފު ކުރުމަށް ހުށަހަޅައިފިއެވެ.
ރިޔާސީ އިންތިޚާބުގައި ޤާސިމް ވާދަކުރުމަށް ނިންމި ނަމަވެސް އިންތިޚާބުގެ ކެމްޕޭންގެ މާބޮޑު މަސައްކަތެއް ކުރާތަނެއް ނުފެނެއެވެ. ޤާސިމް ވަނީ އިންތިޚާބީ އެޖެންޓަކަށް ކުރީގެ ޓުވަރިޒަމް މިނިސްޓަރ އަލީ ވަހީދު ހަމަޖައްސަވާފައެވެ. ޤާސިމާއި އަލީ ވަހީދުގެ ކުށުގެ ރެކޯޑު ސާފު ކުރުމަށް ހުށަހެޅީ މިއަދުއެވެ.
ޤާސިމް އިންތިޚާބުގައި ވާދަ ކުރައްވާއިރު އަދި މިހާތަނަށް ރަނިން މޭޓަކަށް ކަނޑައަޅުއްވާ ބޭފުޅަކު އިއުލާންކޮށްފައި ނުވެއެވެ. ކުރިއަށް އޮތް ރިޔާސީ އިންތިޚާބުގައި ޖުމްހޫރީ ޕާޓީގެ ފަރާތުން ވަދާކުރެއްވުމަށް އެ ޕާޓީގެ ރިޔާސީ ޓިކެޓް، ޖޭޕީގެ ލީޑަރު އަދި ރައްޔިތުންގެ މަޖިލީހުގެ މާމިގިލި ދާއިރާގެ މެންބަރު ޤާސިމް އިބްރާހީމަށް އަރުވާފައިވަނީ މިދިޔަ ޖޫންމަހުގެ 9 ވަނަ ދުވަހުއެވެ.
ރިޔާސީ އިންތިޚާބުގައި ކުރިމަތިލުމުގެ މުއްދަތު އަންނަ ހަފްތާގެ ހޯދަމަ ދުވަހަށް ހަމަވާނެއެވެ. މިހާތަނަށް އިލެކްޝަންސް ކޮމިޝަނަށް އަދި ފޯމު ހުށަހެޅުއްވީ ޕީޕީއެމްގެ ރިޔާސީ ކެނޑިޑޭޓް ރައީސް ޔާމީނެވެ. ނަމަވެސް ރައީސް ޔާމީން 11 އަހަރުގެ ޖަލުހުކުމެއް ތަންފީޒު ކުރައްވާތީ އެމަނިކުފާނުގެ ފޯމު އިލެކްޝަނުން ބަލައި ގެންފައި ނުވެއެވެ.
