އިދިކޮޅު ޕީޕީއެމްގެ ރިޔާސީ ކެނޑިޑޭޓް، ކުރީގެ ރައީސް ޔާމިންއަށް ކުރިޔަށް އޮތް ރިޔާސީ އިންތިޚާބުގައި ވާދަ ނުކުރެއްވޭ ހާލަތެއްގައި، އިދިކޮޅު ކެނޑިޑޭޓެއްގެ ގޮތުގައި، ޕީއެންސީގެ ޓިކެޓްގައި ވާދަކުރާނޭ ކެނޑިޑޭޓަކު އައްޔަން ކުރުމަށް ނަގާ ސިއްރު ވޯޓުގައި ޕީއެންސީގެ މަޝްވަރާ މަޖިލިހުގެ މެމްބަރުން ވޯޓު ދޭން ފަށައިފިއެވެ.
ޕީއެންސީގެ މަޝްވަރާ މަޖިލިހުގެ މި ސިއްރު ވޯޓަކީ އިދިކޮޅު ޕީޕީއެމްގެ ރިޔާސީ ކެނޑިޑޭޓް، ކުރީގެ ރައީސް ޔާމިންއަށް ކުރިޔަށް އޮތް ރިޔާސީ އިންތިޚާބުގައި ވާދަ ނުކުރެއްވޭ ހާލަތެއްގައި، އިދިކޮޅު ކެނޑިޑޭޓެއްގެ ގޮތުގައި، ޕީއެންސީގެ ޓިކެޓްގައި ވާދަކުރާނޭ ކެނޑިޑޭޓަކު އައްޔަން ކުރުމަށް ބާއްވާ ސިއްރު ވޯޓުކެވެ.
ޕީއެންސީގެ ރިޔާސީ ޓިކެޓަށް ވާދަކުރުމަށް ހުޅުވާލި މުއްދަތު ހަމަވެގެންދިޔަ އިރު، ކުރިމަތި ލާފައިވަނީ މާލޭ ސިޓީގެ މޭޔަރު ޑރ. މުއިއްޒުއާއި، މަޑުވަރި ދާއިރާގެ މެމްބަރު އާދަމް ޝަރީފެވެ.
ޕީއެންސީގެ ރިޔާސީ ޓިކެޓަށް ހުޅުވާލި ފުރުސަތުގައި، ޕާޓީގެ އެތެރޭގެ މި އިންތިޚާބުގައި ވާދަކުރާ ދެ ކެނޑިޑޭޓުންވެސް ވަނީ ވަރަށް ވާދަވެރި ކެމްޕޭނެއް ކޮށްފައެވެ. މިގޮތުން، ޑރ. މުއިއްޒުއަށް، ރައީސް ޔާމިންގެ އިތުބާރު އެންމެ ބޮޑަށް އޮންނަކަމަށް ބެލެވޭ ބައެއް ބޭފުޅުންވަނީ ކެމްޕޭން ކޮށްދީފައެވެ. އޭގެ ތެރޭގައި، ރައީސް ޔާމިންގެ ކުރީގެ ޗީފް އޮފް ސްޓާފު މުސްތަފާގެ އިތުރުން މެޑަމް ފާތުންގެ އަރިހުގައި ވަރަށް އިސްކޮށް މަސައްކަތް ކުރި ޕީޕީގެ އިސް އަންހެން އެކްޓިވިސްޓުނުންވެސް ވަނީ މުއިއްޒުއަށް ކެމްޕޭން ކޮށްދީފައެވެ.
އޭގެ އިތުރުންވެސް ޕީޕީއެމްގެ ސެނެޓްގެ ގިނަމެމްބަރުންނާއި، ރައްޔިތުންގެ މަޖިލިހުގެ ކުރީގެ ގިނަ މެމްބަރުންވެސް މިއަދުވަނީ މިހާރު ކުރިޔަށްދާ ސިއްރު ވޯޓު މުއިއްޒުއަށް ކާމިޔާބު ކޮށްދިނުމަށް މަސައްކަތް ކޮށްދީފައެވެ.
މިހާރު ކުރިޔަށްދާ ސިއްރު ވޯޓު ކޮންމެ ބޭފުޅަކަސް ކާމިޔާބު ކުރެވުނު ނަމަވެސް، އެބޭފުޅަކު ޕީއެންސީގެ ރިޔާސީ ޓިކެޓްގައި ވާދަކުރައްވާނީ ސުޕްރިމް ކޯޓުގައި މިހާރު ކުރިޔަށްދާ، ރައީސް ޔާމިންގެ ކެނޑިޑަސީގެ މައްސަލަ އެމަނިކުފާނަށް ކާމިޔާބު ނުކުރެވިއްޖެ ނަމައެވެ.
މިގޮތުން، މިހާރު ސުޕްރިމް ކޯޓަށް ހުށަހަޅާފައިވާ، އިދިކޮޅު ޕީޕީއެމްގެ ފަރާތުން ކުރިޔަށް އޮތް ރިޔާސީ އިންތިޚާބުގައި ވާދަކުރުމަށް ނިންމާފައިވާ، ކުރީގެ ރައީސް ޔާމިންގެ ކެނޑިޑަސީގެ މައްސަލައިގެ ފުރަތަމަ އަޑުއެހުން މާދާ 14:30 އަށް ސުޕްރިމް ކޯޓުން ވަނީ ތާވަލު ކޮށްފައެވެ.
ބެލެވޭ ގޮތުގައި އެ މަސައްލާގެ ހުކުމް ސުޕްރިމް ކޯޓުން އަންނަ ހޮނިހޮރު ދުވަހު އިއްވާނެއެވެ.
One Response
ފެށުނީއްސުރެން މުއިޒް ކުރަމުން ގެންދިޔަ ކެމްޕޭންހެ ފުރަތަމަ ޓެސްޓް މިއޮތީ މިއަދުއެވެ. މިޓެސްޓުން ވަރަށް ފުރިހަމައަށް ފާސްވާނެއެވެ. ހުރި ހިތާމައެއްގެ ބޮޑުކަމާއެވެ. ޔާމީނަށް މުއިއްޒު ދަސްނުވިއެވެ. އަދީބް ނޭގުނުފަދައިންނެވެ. މީނައަކީ ޚުދް މުހްތާރު ޚަސީލަތް ނުބައި އަނިޔާވެރިއެކެވެ.