ސަރުކާރާއި އެކި މީހުންނަށް ފާޑުކިޔަމުން އަންނަ ޓްވިޓަރ އެކައުންޓް " ހަސަން ކުރުސީ" ގެ އެކައުންޓްގެ ވެރި ފަރާތް ހޯދަނީ ރައްޔިތުން މަޖިލީހުގެ ރައީސް މުހައްމަދު ނަޝީދު ހުށައަޅުއްވާފައިވާ މައްސަލައަކާއި ގުޅިގެންކަމަށް ދިވެހި ފުލުހުންގެ ހިދުމަތުންް އިން ވިދާޅުވެއްޖެއެވެ.
"ހަސަން ކުރުސީ"ގެ އެކައުންޓްގެ ފަހަތުގައި ވާ މީހަކު ނުވަތަ ބަޔަކު ހޯދުމަށް ކްރިމިނަލްކޯޓުން ވަނީ އަމުރެއް ނެރެދެއްވާފައެވެ. މި އަމުރު އެ ކޯޓުން ނެރެދެއްވާފައިވަނީ ފުލުހުންގެ އެދިވަޑައިގަތުމަކަށެވެ.
ފުލުހުން މިރޭ ވިދާޅުވީ "ކުރުސީ" އެކައުންޓް ހިންގަނީ ކާކުތޯ ބަލަމުން ދަނީ ރައްޔިތުން މަޖލީހުގެ ރައީސް ރައީސް މުހައްމަދު ނަޝީދު އެ އިދާރާއަށް ހުށައަޅުއްވާފައިވާ މައްސަލާގައިކަމަށެވެ.
"ހަސަން ކުރުސީ" އެކައުންްޓުން ޓްވީޓްތައް އަންނަ ފެށުމުން ފުރަތަމަ ގިނަ ބަޔަކު ބުނަމުން ގެންދިޔައީ އެ އެކައުންޓްގެ ފަހަތުގައިވަނީ ރައީސް ނަޝީދުކަމަށެވެ. އެހެންނަމަވެސް އެކަން ދޮގު ކުރައްވާ އެ އެކައުންޓްގެ ސަބަބުން އެމަނިކުފާނަށް އިންތިހާއަށް ގެއްލުން ލިބިވަޑައިގަންނަވާކަމަށް ވިދާޅުވެ ރައީސް ނަޝީދު ވަނީ އެ މައްސަލަ ފުލުހުންނަށް ހުށައަޅުއްވާފައެވެ.
