މިއަހަރު މިހާތަނަށް ރާއްޖެއަށް ޒިޔާރަތްކުރި ފަތުރުވެރިންގެ އަދަދު 1،050661 (އެއް މިލިއަން ފަންސާސް ހާސް، ހަ ސަތޭކަ ފަސްދޮޅަސް އެކެއް)އަށް އަރައިފިއެވެ.
މިއީ ފާއިތުވެދިޔަ އަހަރާ އަޅާ ބަލާއިރު 13.4 އިންސައިގެ ކުރިއެރުމެކެވެ. ޓުއަރިޒަމް މިނިސްޓްރީގެ ހިސާބުތަކުން ދައްކާ ގޮތުގައި މިމަހުގެ 26 ވަނަ ދުވަހުގެ ނިޔަލަށް ރާއްޖއައިސްފައިވާ ފަތުރުވެރިންގެ އަދަދަކީ 1.05 މިލިއަންއެވެ. ފާއިތުވެދިޔަ އަހަރުގެ މި މުއްދަތަށް ބަލާއިރު، ރާއްޖެއަށް ޒިޔާރަތް ކޮށްފައިވަނީ ނުވަ ލައްސަކަ ސައްބީސް ހާސް ފަތުރުވެރިންނެވެ.
ތަފާސް ހިސާބުތަކުން ދައްކާ ގޮތުގައި މިއަހަރު މިހާތަނަށް ރާއްޖެއަށް އެންމެ ގިނައިން ފަތުރުވެރިން ޒިޔާރަތް ކޮށްފައިވާ ގައުމުތަކަކީ އިންޑިއާ، ރަޝިއާ އަދި އިނގިރޭސިވިލާތެވެ.
މިއަހަރުގެ ޖޫންމަހުގެ ހިސާބުތަކަށް ބަލާއިރު، މިމަހު އެކަނިވެސް 120،363 ފަތުރުވެރިން ރާއްޖެއަށް ޒިޔާރަތް ކޮށްފައި ވެއެވެ. ތަފާސް ހިސާބުތަކަށް ބަލާއިރު، މިމަހު ރާއްޖެއަށް ޒިޔާރަތް ކުރި ފަތުރުވެރިން އެވްރެޖްކޮށް ރާއްޖޭގައި ހޭދަކޮށްފައިވަނީ 7.7 ދުވަހެވެ. ފާއިތުވި މަހު އެވްރެޖްކޮށް ހޭދަ ކޮށްފައިވަނީ 7.2 ދުވަހެވެ.
ސަރުކާރުން އަންދާޒާ ކޮށްފައިވާ ގޮތުގައި މިއަހަރު ރާއްޖެއަށް 1.9 މިލިއަން ފަތުރުވެރިން ރާއްޖެ ޒިޔާރަތް ކުރާނެއެވެ
