"ޕްރޮޖެކްޓް ކޭ" ގެ ނަމުގައި އުފައްދައިފައިވާ ފިލްމް ގައި ލީޑުން ފެނިގެންދާ ސައުތުގެ މަޝްހޫރު އެކްޓަރު ޕްރަބާސް ފެނިގެންދާ ގޮތުގެ ޕޯސްޓަރު ތަކެއް ދައްކައިލައިފިއެވެ.
މީގެ ކުރިން ވަނީ މި ފިލްމްގެ ލީޑުން ފެނިގެންދާ ބަތަލާ ދީޕިކާ މި ފިލްމްގައި ފެނިގެންދާ ގޮތުގެ ޕޯސްޓަރު ތަކެއްވެސް ދައްކައިލައިފައިއެވެ. ވަގުތީ ނަމެއްގެ ގޮތުގައި "ޕްރޮޖެކްޓް ކޭ" ގެ ނަން ދީފައިވާ މިފިލްމް އަކި ދެތަރިންވެސް އެކުގައި ފެނިގެންދާނެ އަލަތު ފިލްމްއެވެ. މި ފިލްމް ގެ ޕޯސްޓަރު ދީޕިކާ ވަނީ އޭނާގެ ސޯޝަލް މީޑިއާގައި ހިއްސާ ކޮށްފައިއެވެ.
ވަރަށް ތަފާތު ފިލްމް އަކަށް ވާނެ ކަމަށް ބެލެވޭ މި ފިލްމްގައި ޕްރަބާސް ފެނިގެން ގޮސްފައިވަނީ ވެސް ވަރަށް ތަފާތު ގޮތަކަށެވެ. ވަރަށް ބޮޑު ބަޖެޓަކުން ވަރަށް ގްރޭންޑްކޮށް ހަދާ މި ފިލްމަކީ 600 ކްރޯޑް ރުޕީސް 73 މިލިއަން ޑޮލަރު) ގެ ބަޖެޓަކުން ހަދާ އެއްޗެކެވެ.
ތެލެގޫ ޑައިރެކްޓަރު ނާގް އާޝްވިން ގެ މި ފިލްމްގެ ކާސްޓުގައި އަމީތާބް ބައްޗަނާއި ޑިޝާ ޕަޓާނީ ވެސް ހިމެނެ އެވެ. މީ އެކްޝަން ގެ ވަރުގަދަ މަންޒަރު ތަކެއް ފެނިގެންދާނެ ކަމަށް ލަފާ ކުރެވޭ ފިލްމްއެކެވެ.
ކޮމެންޓު ފޮނުވާ