މިދިއަ މަހުގެ ފަހުކޮޅުގައި ދޫކޮށްލި "ރޮކީ އޯރު ރާނީ ކީ ޕްރޭމް ކަހާނީ" ގެ ފުރަތަމަ ލަވައަށް ފަހު އަނެއްކައިވެސް އިތުރު ލަވައެއް ބެލުންތެރިންނަށް ދޫކޮށްލައިފިއެވެ.
"ވަޓް ޖުމްކާ" ކިޔާ މި ލަވަ އަކީ ފުރަތަމަ ބެލުންތެރިންނަށް ފެނިގެންދިއަ ލަވަ އާއި މުޅިން ތަފާތު ލަވައެކެވެ. ލަވައިކީ ވަރުގަދަ ނެށުންތަކެއްވެސް ހިމެނޭ ފޯރިގަދަ ލަވައެކެވެ.
ޕްރީތަމް މިއުޒިކް ތައްޔާރުކޮށްދީފައިވާ "ވަޓް ޖުމްކާ؟" ކިޔާފައި ވަނީ އަރުޖިތު ސިންގު އާއި ޖޮނީތާ ގާންދީ އެވެ. މި ލަވައިގައި ފެނިގެންދަނީ ފިލްމް ގެ ލީޑުން ފެނިގެންދާ ދެ ތަރިން ކަމުގައިވާ އާލިއާ ބަޓް އާއި ރަންވީރު ސިންގްއެވެ.
މި މަހުގެ 28 ގައި ރިލީޒްކުރަން ހަމަޖެހިފައިވާ މި ރޮމޭންޓިކް ކޮމެޑީ އަކީ މި އަހަރު އެންމެ ގިނަ ބަޔަކު އިންތިޒާކުރާ ބޮލީވުޑް ފިލްމެވެ. މި ފިލްމް އަކީ ތިނެސްކަން ލޯބީގެ ވާހަކައެއް ގެނެސްދޭނެ ފިލްމްއެކެވެ.
މި ފިލްމް ގެ ލީޑުން ފެނިގެންދާނީ މަޝްހޫރު ބޮލީވުޑްގެ ދެތަރިން ކަމުގައިވާ އާލިއާ ބަޓް އާއި ރަންވީރު ސިންގްއެވެ. އެ ފިލްމުން ފެންނާނެ އިތުރު ތަރިންގެ ތެރޭގައި ދަރުމެންދުރަ އާއި ޝަބާނާ އަޒްމީ އަދި ޖާޔާ ބައްޗަން ވެސް ހިމެނެ އެވެ.
