ވަރަށް ގްރޭންޑް ކޮށް ބޮޑޫ ބަޖެޓަކުން ހަދަމުން އަންނަ ފިލްމް "ޕްރޮޖެކްޓް ކޭ" ގައި ހިއްސާވުމަކީ ލިބުނު ވަރަށް ބޮޑު އުފަލެއް ކަމަށާއި އަދި އެއީ ފަހުރެއް ކަމަށް ބޮލީވުޑްގެ ތަރި އަމީތާބް ބައްޗަން ބުނެފި އެވެ.
ބޮލީވުޑްގެ ބިގް ބީގެ ގޮތުގައި މަޝްހޫރު އަދި އެތަށް ކާމިޔާބު ފިލްމް ތަކެއް ބޮލީވުޑްއަށް ކުޅެފައިވާ ހުނަރުވެރި، ތަޖުރިބާކާރު އެކްޓަރު ސޯޝަލް މީޑިއާގައި ބުނީ ތެލެގޫ ސިނަމާ އިން ގެނެސްދޭ "ޕްރޮޖެކްޓް ކޭ" ހިއްސާވުމަކީ ވަރަށް ބޮޑު ފަހުރެއް، ޝަރަފެއް ކަމަށެވެ. އަދި "އައިޑޮލްއެއް" ގެ ގޮތުގައި ދެކޭ ޕްރަބާސްއާ އެކީ ސްކްރީން ހިއްސާކުރަން ލިބުމަކީ ވެސް ފަހުރެއް ކަމަށް އަމީތާބް ބުންޏެވެ.
މި ފިލްމް އަކީ މިހާތަނަށް އެއްވެސް ނަމެއް އަދި ދީފައިވާ ފިލްމްއެއް ނޫނެވެ. "ޕްރޮޖެކްޓް ކޭ" ގެ ނަމުގައި ފިލްމްގެ ޝޫޓިން ނިންމައި ފިލްމް މިހާރު އޮތީ ޕޯސްޓް ޕްރޮޑަކްޝަންގެ މަރުހާލާގައިއެވެ. މި މަހުގެ 20 އެމެރިކާގެ ސެން ޑިއޭގޯގައި ބާއްވާ ކޮމިކް-ކޮން އިވެންޓްގައި އެ ފިލްމުގެ ރަސްމީ ނަމާއި ރިލީޒްކުރާ ތާރީހުގެ އިތުރުން ޓީޒާ ދައްކައިލަން ވަނީ ހަމަޖެހިފައިއެވެ.
އުންމީދީ ފިލްމުތަކުގެ ތެރޭގައި ހިމެނޭ "ޕްރޮޖެކްޓް ކޭ" ގައި ޕްރަބާސް އާއި އެކުގައި ބަތަލާ ގެ ބައިން ފެނިގެންދާނީ ދީޕިކާ ޕަދްކޯނެވެ. އަދި މީގެ ކާސްޓްގައި ކަމަލް ހަސަނާއި ޑިޝާ ޕަޓާނީ ވެސް ހިމެނެ އެވެ.
ކޮމެންޓު ފޮނުވާ