ސައުތުގެ މަޝްހޫރު އެކްޓަރު ޕްރަބާސްގެ އާ ފިލްމު "ސަލާރު" ރިލީޒް ކުރާ ތާރީހް އާއި އޭގެ ޓީޒާއެއް ބެލުންތެރިނަށް ގެނެސްދީފިއެވެ.
އެގޮތުން މި ފިލްމް ރިލީޒް ކުރުމަށް ތާވަލް ކޮށްފައިވަނީ ސެޕްޓެމްބަރު މަހުގެ 28ގައިއެވެ. މި ފިލްމް އަކީ ވަރަށް އުންމީދީ ފިލްމްއެކެވެ. މި ފިލްމް އަކީ ވަރަށް ބޮޑު ބަޖެޓަކުން ވަރަށް ގްރޭޑްކޮށް ހަދައިފައިވާ ފިލްމްއެކެވެ. 25 މިލިއަން ޑޮލަރުގެ ބަޖެޓަކުން ހަދާފައިވާ ފިލްމް އަކީ ޕްރަބާސް ތަފާތު ގޮތަކަށް އަނެއްކައިވެސް ފެނިގެންދާނެ ފިލްމްއެކެވެ.
View this post on Instagram
"ސަލާރު" ގެ ކާސްޓްގައި ޕްރިތުވީރާޖް ސުކްމަރަން، ޝްރޫތީ ހަސަން، ޓިނޫ އާނަންދު ޖަގަޕަތީ ބާބޫ، ސްރިޔާ ރެޑީ، ރާމަޗަންދުރަ ބާބޫ އަދި މަދޫ ގުރުސްވާމީ ހިމެނެ އެވެ.
މި ފިލްމަކީ ބެލުންތެރިންގެ ވަރަށް ބޮޑު މަގުބޫލުކަމެއް އަދި ބޮކްސް އޮފީހުގައި ވަރުގަދަ ވިޔަފާވެރިއެއް ވެސް ކުރި "ކޭޖީއެފް" ގެ ދެ ފިލްމު ގެނެސްދިން ކުޅަދާނަ ޑައިރެކްޓަރު ޕްރަޝާންތު ނީލް ހަދާފައިވާ އެކްޝަން ތުރިލާއެކެވެ.
މި ފިލްމް އަކީ ކާމިޔާބު ފިލްމް އަކަށް ހެދުމަށްވެސް ޕްރާބާސް އަށް ވަރަށް މުހިންމު ވާނެއެވެ. ސަބަބަކީ އެންމެ ފަހުން ރިލީޒް ކުރި ޕްރާބާސްގެ ފިލްމްތަށް ވެގެން ގޮސްފައިވަނީ ބެލުންތެރިން އަދި ބޮކްސް އޮފީހުގައިވެސް ކާމިޔާބު ފިލްމް ތަކަކަށެއް ނޫނެވެ.
ޕްރަބާސް އެންމެ ފަހުން ފެނިގެންދިއައީ "އަދިޔަޕުރުޝް" އިންނެވެ. މި ފިލްމް އަކީ ބެލުންތެރިންގެ ވަރަށް ބޮޑު ފާޑުކިޔުންތަކެއް ލިބުނު ފިލްމްއެކެވެ. އަދި އޭގެ ވިޔަފާރި އަށް ވެސް ވަރަށް ނުރަނގަޅު އަސަރެއްކުރިވެސްމެއެވެ. މި ސަބަބާ ހެދި "ސަލާރު" އަކީ "އާދިޕުރުޝް" ގެ މަތިން ބެލުންތެރިން ހަނދާން ނައްތަލާލެވޭ ވަރުގެ ފިލްމަކަށްވުން ޕްރަބާސް އަށް ވަރަށް މުހިއްމު ވާނެއެވެ.
