ސައުތުގެ މަޝްހޫރު އެކްޓަރު ޕްރަބާސްގެ އާ ފިލްމު "ސަލާރު" ގެ ޓީޒާ ޓްރެއިލާ ދައްކާލައިފި އެވެ.
މިއަހަރުގެ ވަރަށް އުންމީދީ ފިލްމްއެއްގެ ގޮތުގައި ފާހަގަ ކުރެވޭ މި ފިލްމް އަކީ ވަރަށް ބޮޑު ބަޖެޓަކުން ވަރަށް ގްރޭޑްކޮށް ހަދައިފައިވާ ފިލްމްއެކެވެ. ސެޕްޓެމްބަރު މަހުގެ 28 ގައި ސިނަމާތަކަށް ގެންނަން ހަމަޖެހިފައިވާ މި ފިލްމަކީ ބެލުންތެރިން ވަރަށް އުންމީދު ކުރަމުން އަންނަ ފިލްމްއެކެވެ.
އަނެއްކޮޅުން މި ފިލްމް އަކީ ކާމިޔާބު ފިލްމް އަކަށް ހެދުމަށްވެސް ޕްރާބާސް އަށް ވަރަށް މުހިންމު ވާނެއެވެ. ސަބަބަކީ އެންމެ ފަހުން ރިލީޒް ކުރި ޕްރާބާސްގެ ފިލްމްތަށް ވެގެން ގޮސްފައިވަނީ ބެލުންތެރިން އަދި ބޮކްސް އޮފީހުގައިވެސް ކާމިޔާބު ފިލްމް ތަކަކަށެއް ނޫނެވެ.
މި ފިލްމަކީ ބެލުންތެރިންގެ ވަރަށް ބޮޑު މަގުބޫލުކަމެއް އަދި ބޮކްސް އޮފީހުގައި ވަރުގަދަ ވިޔަފާވެރިއެއް ވެސް ކުރި "ކޭޖީއެފް" ގެ ދެ ފިލްމު ގެނެސްދިން ކުޅަދާނަ ޑައިރެކްޓަރު ޕްރަޝާންތު ނީލް ހަދާފައިވާ އެކްޝަން ތުރިލާއެކެވެ.
"ސަލާރު" ގެ ކާސްޓްގައި ޕްރިތުވީރާޖް ސުކްމަރަން، ޝްރޫތީ ހަސަން، ޓިނޫ އާނަންދު ޖަގަޕަތީ ބާބޫ، ސްރިޔާ ރެޑީ އަދި ރާމަޗަންދުރަ ބާބޫ ގެ އިތުރުން މަދޫ ގުރުސްވާމީ ހިމެނެ އެވެ.
ޕްރަބާސް އެންމެ ފަހުން ފެނިގެންދިއައީ "އަދިޔަޕުރުޝް" އިންނެވެ. މި ފިލްމް އަކީ ބެލުންތެރިންގެ ވަރަށް ބޮޑު ފާޑުކިޔުންތަކެއް ލިބުނު ފިލްމްއެކެވެ. އަދި އޭގެ ވިޔަފާރި އަށް ވެސް ވަރަށް ނުރަނގަޅު އަސަރެއްކުރިވެސްމެއެވެ. މި ސަބަބާ ހެދި "ސަލާރު" އަކީ "އާދިޕުރުޝް" ގެ މަތިން ބެލުންތެރިން ހަނދާން ނައްތަލާލެވޭ ވަރުގެ ފިލްމަކަށްވުން ޕްރަބާސް އަށް ވަރަށް މުހިއްމު ވާނެއެވެ.
