ޢީދުގެ ކުޅިވަރުތަކުގައިވެސް އަދި އެހެނިހެން ކުޅިވަރުތަކުގައިވެސް ހެދުން އެޅުމުގެ ކޮންމެސް ކަހަލަ މިންގަނޑުތަކެެއް ހުންނަންޖެހޭ ކަމުގައި މިނިސްޓަރ އޮފް އާރޓްސް ކަލްޗަރ އެންޑް ހެރިޓޭޖް ޔުމްނާ މައުމޫން ވިދާޅުވެއްޖެއެވެ.
މިނިސްޓަރ މިހެން ވިދާޅުވީ ޢީދު ފާހަގަ ކުރުމަށް ގއ.ވިލިނގިލީގައި ނިވާކަން ކުޑަ ހެދުން ލައިގެން ހުށަހަޅައިގެން ދިން އައިޓަމާއި ގުޅިގެން ގިނަ ބައެއްގެ ފާޑުކިޔުން އަމާޒުވެފައިވާ ދަނޑިވަޅެއްގައި އެކަން ކުށްވެރިކޮށް ކުރެއްވި ޓުވީޓުގައެވެ. މިނިސްޓަރ ވިދާޅުވީ ޢީދަކީ ރަށުގެ ކުދި ބޮޑު އެންމެން އުފާކޮށްލައި، އެއްވެލާ ކުޅިވަރުތަކުގައި ބައިވެރިވާ އުފާވެރި ދުވަސްތަކެއް ކަމަށެވެ. މިދުވަސްތަކުގައި އީދާއި ގުޅިގެން ހިންގޭ އެކި ހަރަކާތްތަކުގައި ހެދުން އެޅުމުގައި މިންގަނޑެއް ގެންގުޅެން ޖެހޭކަމަށް މިނިސްޓަރ ޔުމްނާ ވިދާޅުވިއެވެ.
ޢީދަކީ ރަށުގެ ކުދިބޮޑު އެންމެން އެއްވެ އުފާފާޅުކޮށް ސަގާފީ ކުޅިވަރާއި ޒަމާނީ ކުޅިވަރުގެ ތެރެއިން އިޖުތިމާޢީ ރޫޙު އާލާ ކުރާ ދުވަސްވަރެއް. ޢީދު ކުޅިވަރުގައި ވެސް، އެހެނިހެން ކުޅިވަރުތަކުގައިވެސް ހެދުން އެޅުމުގެ ކޮންމެސް ކަހަލަ މިންގަނޑުތަކެެއް ހުންނަންޖެހޭ.
– ޔުމްނާ މައުމޫން ވިދާޅުވިއެވެ.
ޢީދަކީ ރަށުގެ ކުދިބޮޑު އެންމެން އެއްވެ އުފާފާޅުކޮށް ސަގާފީ ކުޅިވަރާއި ޒަމާނީ ކުޅިވަރުގެ ތެރެއިން އިޖުތިމާޢީ ރޫޙު އާލާ ކުރާ ދުވަސްވަރެއް. ޢީދު ކުޅިވަރުގައި ވެސް، އެހެނިހެން ކުޅިވަރުތަކުގައިވެސް ހެދުން އެޅުމުގެ ކޮންމެސް ކަހަލަ މިންގަނޑުތަކެެއް ހުންނަންޖެހޭ. https://t.co/4cCLT9C4i9
— Yumna Maumoon 🇲🇻 🤝🇵🇸 (@yumna_maumoon) June 30, 2023
މިނިސްޓަރ ޔުމްނާ ވަނީ އިއްޔެ އިދިކޮޅު ޕީޕީއެމްއިން ޢީދާއި ގުޅުވައިގެން ހިންގި ހަރަކާތްތަކަށްވެސް ފާޑު ވިދާޅުވެފައެވެ. މިނިސްޓަރ ވިދާޅުވީ ސިޔާސީ މަގުސަދެއްގައިވެސް އެއްވެސް ބައެއްގެ އަބުރަށް އަރައިގަނެ އިޖުތިމާއީ މިންގަނޑާއި ޚިލާފަށް ކަންކަން ކުރުމަކީ ބަލައި ގަނެވޭނެ ކަމެއް ނޫންކަމަށެވެ.
ޢީދަކީ ރަށުގެ ކުދިބޮޑު އެންމެން އެއްވެ އުފާފާޅުކޮށް ސަގާފީ ކުޅިވަރާއި ޒަމާނީ ކުޅިވަރުގެ ތެރެއިން އިޖުތިމާޢީ ރޫޙު އާލާ ކުރާ ދުވަސްވަރެއް. ޢީދު ކުޅިވަރު ސިޔާސީކުރުން އެއީ ރަނގަޅު ކަމެއް ނޫން.
– ޔުމްނާ ވިދާޅުވިއެވެ.
ޢީދަކީ ރަށުގެ ކުދިބޮޑު އެންމެން އެއްވެ އުފާފާޅުކޮށް ސަގާފީ ކުޅިވަރާއި ޒަމާނީ ކުޅިވަރުގެ ތެރެއިން އިޖުތިމާޢީ ރޫޙު އާލާ ކުރާ ދުވަސްވަރެއް. ޢީދު ކުޅިވަރު ސިޔާސީކުރުން އެއީ ރަނގަޅު ކަމެއް ނޫން. https://t.co/gO258OOkOx
— Yumna Maumoon 🇲🇻 🤝🇵🇸 (@yumna_maumoon) June 30, 2023
މިފަހަރުގެ އީދު ރާއްޖޭގެ އެކި ކަންކޮޅުތަކުގައި ކުލަގަދަކޮށް ފާހަގަކުރިއިރު، އިސްލާމީ އުސޫލުތަކާއި ދިވެހިންގެ ރީތި ސަގާފަތުން ބޭރު ހަރަކާތްތަކެއް ފެނުމުން އެކަން ގިނަ ބަޔަކު ދަނީ ކުށްވެރި ކުރަމުންނެވެ.
