ގިނަ ބަޔަކު އިންތިޒާރު ކުރަމުން އަންނަ ސިލްސިލާ "ބަރުސާތޭ" އަންނަ މަހުގެ 10 ގައި ސޮނީ ޓީވީން ޕްރީމިއާކުރާނެކަން އިއުލާންކޮށްފި އެވެ.
މި ސިލްސިލާ ޑްރާމާގެ ލީޑުން ފެނިގެންދާނީ ކާމިޔާބު ޑްރާމާ ތަކެއް ކުޅެފައިވާ ދެ ތަރިން ކަމުގައިވާ ޝިވާންގީ ޖޯޝީ އާއި ކުޝާލް ޓަންޑަން އެވެ. މީ މި ދެތަރިން އެކުގައި ކުޅޭ އަލަތު ޑްރާމާއެވެ.
ލޯބީގެ ވާހަކައެއް ކިޔައިދޭނެ މި ސިލްސިލާގެ ޕްރޮމޯ ތަށް މީގެ ދުވަސްކޮޅެއް ކުރިން ފެށިގެން އައީ ދައްކަމުންނެވެ. 'ކަމިންގ ސޫން' ޖަހައިގެން ދައްކަމުން އައި ޑްރާމާ ދައްކަން ފަށާ ދުވަސް އިއުލާން ކޮށްފައިވާ އިރުގައި މީ ބެލުންތެރިން ގެ މެދުގައި ވަރަށް ހިނގާ ޖޯންރާއެއްގެ ޑްރާމާއެކެވެ.
View this post on Instagram
އެކްތާ ކަޕޫރްގެ ބާލާޖީގެ ތަތްގަނޑުގައި ނެރޭ މި ޑްރާމާ އަށް ދެން މާގިނަ ދުވަހަކު އިންތިޒާރު ކުރާކަށް ނުޖެހޭނެއެވެ. "ބަރުސާތޭ" ގެ އެޕިސޯޑްތައް ސޮނީން ގެނެސްދޭނީ ޖުލައި 10 އިން ފެށިގެން ކޮންމެ ހަފުތާއެއްގެ ހޯމައިން ހުކުރު ދުވަހުގެ ރެއަށް ރާއްޖެ ގަޑިން 7:30 ގަ އެވެ.
