ރައްޔިތުންގެ މަޖިލިހުގައި މިއަދު ކުރިޔަށްދިޔަ ޖަލްސާއަށް މުހިންމު މަސައްކަތްތަކެއް އެޖެންޑާ ކޮށްފައި ވަނިކޮށް މަޖިލިސް ހަލަބޮލިކޮށް، މަޖިލިސް ހުއްޓުމަކަށް ގެނެސްފައިވަނީ ރިޔާސަތުން އެފުރުސަތު ދީގެންކަމުގައި އެމްޑީޕީން ބުނެފިއެވެ.
މިއަދުގެ މަޖިލިސް ޖަލްސާގައި މެމްބަރުން އަޑުގަދަކޮށް، އަވަގުރާނަ ގޮވާ، އެންމެފަހުން ރިޔާސަތުގައި އިންނެވި ވިލިފުށި ދާއިރާގެ މެމްބަރު ހަސަން އަފީފު މިއަދުގެ ޖަލްސާ ކުރިޔަށް ނުގެންގޮސް ޖަލްސާ ނިންމާލާފައި ވަނިކޮށް އެމްޑީޕީން ނެރުނު ބަޔާނުގައި ބުނެފައިވަނީ މުހިންމު މަސައްކަތްތަކެއް އެޖެންޑާ ކޮށްފައި ވަނިކޮށް ޖަލްސާ ހުއްޓުމަކަށް ގެނައުމަކީ އެޕާޓީން ކަންބޮޑުވާ ކަމެއް ކަމުގައެވެ.
މިމައްސަލާގައި (ކޮމިޓީތައް އެތުރުމުގެ މަސައްލާގައި) މަޖިލިހުގެ އިދާރާއިން ދެގޮތެއް ހުށަހަޅާފައި ވަނިކޮށް، އެއިން އެއްވެސް ކަމަކަށް ބަހުސް ކުރުމުގެ ފުރުސަތު ނުދީ، މިއަދުގެ ޖަލްސާ ފެށުމާއެކު، އިދިކޮޅު މެމްބަރުން މަޖިލިސް ހަލަބޮލިކުރުމަށް ރިޔާސަތުން ފުރުސަތު ދީ، ގަވާއިދާ އެއްގޮތަށް އަމަލު ކުރުމަށް ފަސްޖެހި، މަޖިލިހުގެ ރިޔާސަތުންވަނީ މިއަދުގެ ޖަލްސާ ހުއްޓާލާފައެވެ.
އެމްޑީޕީގެ ބަޔާނުގައި ބުނެފައި ވެއެވެ.
އެމްޑީޕީގެ ބަޔާނުގައި ވަނީ މަޖިލިސް ހުއްޓިފައި އޮތް އޮތުން ނިމުމަކަށް ގެނެސް، މަޖިލިހުގެ މަސައްކަތްތައް ފެށޭނެ ގޮތްތަކެއް ހަމަޖައްސައި ދިނުމަށް މަޖިލިހުހެ އިދާރާގައި އެދިފައެވެ.
