ހއ. އަތޮޅު ހޮސްޕިޓަލްގެ މެނޭޖަރުގެ މަގާމުގައި ހުންނެވި އާދަމް ނަސީރު މާލޭގެ ގެސްޓު ހައުސްއަކުން ހައްޔަރު ކުރުމާއި ގުޅިގެން ފުލުހެއްގެ މައްސަލަ ޕޮލިސް އިންޓަގްރިޓީ ކޮމިޝަނަށް ވެސް ހުށަހަޅާނެ ކަމަށް ބުނެފިއެވެ.

އާދަމް ނަސީރު އާއިއެކު އަންހެނަކު ރޭ އިރުއޮއްސުނު ވަގުތު މާލޭ ގެސްޓްހައުސްއަކުން ހައްޔަރުކުރި ނަމަވެސް ދެތިންގަޑިއިރު ފަހުން އެދެމީހުން ވެސް ވަނީ ދޫކޮށްލާފައެވެ. ސޯޝަލް މީޑިއާގައި އާންމު ވެފައިވާ ބައެއް ވީޑިއޯތަކުން ފެންނަ ގޮތުގައި މާލޭގެ ގެސްޓު ހައުސްއެއްގެ ތެރެއިން ފުލުހުން އޭނާ ހައްޔަރު ކޮށްގެން ފުލުހުންގެ ކާރަކަށް އެރުވިއިރު އޭނާ ހުރީ މޫނުގައި ޑަސްބިން ކޮތަޅެއް އަޅުވައިގެންނެވެ.

އަދި ހަމަ އެ ވީޑިއޯއިން ފެންނަ ގޮތުގައި ފުލުހުން އޭނާ އެރުވި ކާރަށް އޭނާއަށްވުރެ ކުރިންވަނީ ހަމަ އެ ގެސްޓު ހައުސްއިން އަންހެނަކު ނެރެގެން އަރުވާފައެވެ. އެހެންނަމަވެސް އަންހެން މީހާ ކާރަށް އެރުވިއިރު މޫނު ފޮރުވާފައެއް ނުވެއެވެ.

އާދަމް ނަސީރު ހައްޔަރުކުރިފަހުން ފޭސްބުކްގައި އޭނާ ކުރި ޕޯސްޓެއްގައި ބުނީ އޭނާ އާއި އަންހެނަކު ހައްޔަރުކުރިއިރު ތިބީ އޮރިޔާމުން ނޫން ކަމަށާއި ހައްޔަރު ކުރިއިރު ތިބީ ކޮޓަރިއަކު ވެސް ނޫން ކަމަށެވެ. ނަމަވެސް ފަހުން ވަނީ އެޕޯސްޓް ޑިލީޓް ކޮށްލާފައެވެ.

އާއްމު ގޮތެއްގައި މީސް މީޑިއާގައި މީހުންގެ އަބުރާއި ބެހި، ސިޔާސީ ގޮތުން ހިޔާލު ތަފާތުވާ މީހުންނަށް ފުރައްސާރަ ކުރަމުންދާ އާދަމް ނަސީރު ރޭ ކުރި ޓްވީޓްތަކެއްގައި ވަނީ ފުލުހެއް ކަމަށް ބުނެ މީހެއްގެ ފޮޓޯއެއް އާއްމު ކޮށްފައެވެ.

އާދަމް ނަސީރު ބުނާ ގޮތުގައި އޭނާ ހައްޔަރު ކުރަން ފުލުހުން ފޮނުވި މީހަކީ ވައްޑެ ނަމަކަށް ކިޔާ ފުލުހެކެވެ. އެއީ ށ.އަތޮޅުގެ ޕޮލިސް އިންޗާޖް ކަމަށާއި، ވައްޑެ އަކީ މީހުންނަށް ބިރުދައްކާ، މީހުން ބްލެކްމެއިލް ކުރާ ފުލުހެއް ކަމަށް ވެސް އާދަމް ނަސީރު ބުންޏެވެ.

HA.Atoll hospital gr manager @aadanu_mv guest house akun nere fuluhunge belumuge dhashah gendhanee. Anhen meehaa nerunee moonu nivainukon. Naseer nerunee moonugai plastic kothalheh alhuvaafa.. pic.twitter.com/RaYUYDT45R

— Shifxan A. Rasheed (@ShifxanAR) June 13, 2023

އާދަމް ނަސީރަކީ، ކުރީގެ ރައީސް ނަޝީދުގެ ވެރިކަމުގައި އުތުރު ޕްރޮވިސްގެ ސްޓޭޓް މިނިސްޓަރުގެ ނާއިބުކަން ކޮށްފައިވާ މީހެކެވެ. އެއަށްފަހު ރައީސް ޔާމިންގެ ވެރިކަމުގެ ފަހުކޮޅު ހުޅުމާލޭ ހޮސްޕިޓަލުގައި އޭނާ މަސައްކަތް ކޮށްފައިވެއެވެ. އެހެންނަމަވެސް އެ ހޮސްޕިޓަލުންވެސް އޭނާ ވަކިކުރީ މައްސަލަތަކެއް ޖެހިގެންކަމަށް މައުލޫމާތު ލިބިފައިވެއެވެ.

ބައެއް މީޑިއާތަކުން ރިޕޯޓު ކޮށްފައިވާ ގޮތުގައި ރިޕޯޓް ކޮށްފައިވާ ގޮތުގައި އާދަމް ނަސީރު އާއެކު ހައްޔަރު ކުރި އަންހެން މީހާއަކީ މީހަކާއި ކައިވެނި ކޮށްގެން އުޅޭ އަންހެނެކެވެ. އަދި އަންހެން މީހާއަކީ ހަމަ އެ ހޮސްޕިޓަލުގެ ނަރުހުންގެ އިންޗާޖުކަމަށްވެސް މައުލޫމާތު ލިބިފައި ވެއެވެ.