ރައްޔިތުންގެ މަޖިލީހުގެ ވިލިފުށި ދާއިރާގެ މެމްބަރު ހަސަން އަފީފުގެ ގަޔަށާއި، ރައީސް ނަޝީދު އިސްކޮށް ހުންވައިގެން އުފައްދަވާ ދަ ޑިމޮކްރެޓްސްގެ މައި ހަރުގެއަށް ކަޅު ތެޔޮ ޖަހަައިފިއެވެ.
ކަޅު ތެޔޮ ޖަހާފައިވަނީ މީގެ އިރިކޮޅެއް ކުރިން ހެންވޭރުކޮޅު އާރޓްފިޝަލް ބީޗު ކުރިމަތީގައި ހުންނަ އެމްޑީޕީގެ ކުރީގެ މައި ހަރުގެ، އަދި މިހާރުގެ ދަ ޑިމޮކްރެޓްސްގެ ހަރުގެކައިރީގައި ތިއްބަ ސައިކަލުގައި ދިޔަ ބަޔަކުއެވެ. މިހާދިސާގައި މެމްބަރު އަފީފްގެ ގަޔަށް ވަރަށް ބޮޑަށް ކަޅު ތެޔޮ ހުރީ ބުރައިގެން ގޮސްފައެވެ.
އަދި އޭނާގެ ކައިރީގައި ތިބި މީހުންގެ ގަޔަސްވެސް ވަނީ ވަރަށް ބޮޑަށް ކަޅުތެޔޮ ބުރައިގެން ގޮސްފައެވެ. މީހުންގެ ގަޔަށް ކަޅު ތެޔޮ ޖެހުމުގެ އިތުރުން ދަ ޑިމޮކްރެޓްސް އިން އެތާގައި ބަހައްޓާފައިވާ ފޮޓޯއަށްވެސް ވަނީ ކަޅު ތެޔޮ ޖަހާފައެވެ.
މިކަމާއި ގުޅިގެން އެމްޑީޕީގެ ކުރީގެ ނައިބް ރައީސް މުހައްމަދު ޝިފާޒު ވިދާޅުވީ ކޮތަޅޭމެންގެ ކޮތަޅުތަކުން ކިތަންމެ ކަޅު ތެލެއް ޖެހިޔަސް ނުސިހޭނެ ކަމަށެވެ. އަދި މިއީ ވަރަށް ފިޑި ދަށު ދަރައިޖެ ޢަމަލެއްގެ ގޮތުގައި އޭނާ ވަނީ ސިފަކޮށްފައެވެ.
Kothalheymenge Kalhutheyo kothalhakun siheyne kamah heeveetho!? Thiee fi’ndi amaleh.. 😂#WeTheDemocrats fahathakah nujesseyne! pic.twitter.com/PobvmUDx2j
— Mohamed Shifaz🎈 (@shippeshifaz) June 12, 2023
އެމްޑީޕީގެ ތެރޭގައި އިފެދިފައިވާ ޚިޔާލު ތަފާތުވުންތަކާއިއެކު މަޖިލީހުގައި ހިމެނޭ ރައީސް ނަޝީދަށް ތާއީދު ކުރާ 12 މެމްބަރުންނަކީ އެމްޑީޕީގެ ރައީސް ޞާލިހަށް ތާއީދުކުރާ ގިނަ މެމްބަރުން ވަރަށް ނަފްތަރު ކުރާ މެމްބަރުންނަށް ވަނީ ވެފައެވެ. ސަބަބަކީ މަޖިލިސް ތެރެއިންވެސް މިސަރިކާރަށް އެންމެ ބޮޑަށް ފާޑުކިޔައި ޖެއްސުން ކުރަނީ އެމެމްބަރުންނަށް ކަމަށް ވުމުންނެވެ.
ކޮމެންޓު ފޮނުވާ