ޕްރޮގްރެސިވް ކޮންގްރެސް ކޯލިޝަންގެ ސެނެޓް މެމްބަރު އަހުމަދު ޢާލިބު އެޕާޓީން ވަކިވުމަށް ފޯމު ހުށަހަޅައިފިއެވެ.
ރިޔާސީ އިންތިޚާބު ގާތްވަމުންދާއިރު، ޕީޕީއެމްގެ ލީޑަރޝިޕްގައި އޮތް ޚިޔާލު ތަފާތުވުންތަކާއިއެކު އެޕާޓީގެ ސެނެޓްގެ ބައެއް މެމްބަރުންގެ ހިތްހަމަ ނުޖެހުން މީގެކުރިންވެސް ވަނީ ފާޅުކޮށްފައެވެ. މިޚިޔާލު ތަފާތުވުންތައް ބޮޑުވެފައިވަނީ ރިޔާސީ އިންތިޚާބުގައި ރައީސް ޔާމީނަށް ވާދަނުކުރެވޭ ހާލަތެއްގައިވެސް ވާދަކުރާނެ ކެނޑިޑޭޓަކާއި ގުޅޭގޮތުންވެސް މަޝްވަރާ ކުރުންވެސް އޮތީ މަނާކޮށްފައެވެ.
ޕީޕީއެމްގެ ކެލާ ދާއިރާގެ ރައީސްކަންވެސް ކުރައްވާ ޢާލިބު ވަނީ ޕީޕީއެމްގެ ސެނެޓުންނާއި، މެމްބަރު ކަމުގެ މަޤާމުންވެސް ވަކިވުމަށް ހުށަހަޅާފައެވެ.
މި ވަގުތު ޕާޓީއާއި އެކު ކުރިއަށް ދިއުމަށް އެކަށީގެންވާ ހާލަތެއް / މާހައުލެއް އަޅުގަނޑަށް ނެތަތީވެ، ޕްރޮގްރެސިވް ކޮންގްރެސް ކޯލިޝަން ކެލާ ދާއިރާ ރައީސް ކަމުންނާއި، ޕާޓީގެ ސެނެޓުން މިއަދުން ފެށިގެން އިސްތިއުފާ ދިނުމަށްފަހު ޕާޓީން ވަކިވުމަށް އެދި ހުށަޅައިފީމެވެ.
– ޢާލިބު ކުރި ޓުވީޓުގައި ވިދާޅުވިއެވެ.
ޕީޕީއެމްގެ ތެރޭގައި ރިޔާސީ ރޭހުގެ ވާދަވެރިކަން ބޮޑު ނަމަވެސް އެޕާޓީން ބުނެފައިވަނީ އެޕާޓީގެ ރިޔާސީ ކެނޑިޑޭޓަކީ ރައީސް ޔާމީންކަމަށެވެ.
