ސެޕްޓެމްބަރު މަހު އޮންނަ ރިޔާސީ އިންތިހާބުގައި ވާދަކުރައްވާ ޖުމްހޫރީ ޕާޓީ (ޖޭޕީ) ގެ ލީޑަރު ގާސިމް އިބްރާހީމަށް ރިޔާސީ ޓިކެޓް ހަވާލު ކުރުމުގެ ޚާއްސަ ޖަލްސަ މިރޭ ބޭއްވުމަށް ހަމަޖެހިއްޖެއެވެ.
ޖުމްހޫރީ ޕާޓީން ދަނީ ކާނިވަލުގައި މިރޭ ޖަލްސާ ބޭއްވުމަށް ވާންޖެހޭ ތައްޔާރީތައް ވަމުންނެވެ. ކާނިވަލުގެ ބާއްވާ މިޖަލްސާއަކީ މިފަހުން ސިޔާސީ ޕާޓީއަކުން ބާއްވާ އެންމެ ތަފާތު ޖަލްސާއަށް ވެގެންދާނެކަމަށް އެޕާޓީން ބުނެއެވެ. ސެޕްޓެމްބަރު 9 ވަނަ ދުވަހު އޮންނަ ރިޔާސީ އިންތިހާބުގައި ވާދަ ކުރައްވަން ނިންމަވައި، ގާސިމް ޖޭޕީގެ ސެކްރެޓޭރިއަޓަށް ފޯމް ހުށަހެޅުއްވީ މިދިޔަ މާޗް 30 ގައެވެ. އޭރު ޖޭޕީގެ 151 ވަނަ ބައްދަލުވުމުގައި ވަނީ ރިޔާސީ އިންތިހާބުގައި އެ ޕާޓީން ކެންޑިޑޭޓު ނެރެން ފާސްކޮށްފައެވެ.
ޖޭޕީގެ ރިޔާސީ ޓިކެޓަށް އެދިވަޑައިގެން ފޯމް ހުށަހެޅުއްވީ ވެސް ގާސިމް އެކަންޏެވެ. އެހެންވެ، ޕްރައިމަރީއަކާ ނުލައި ގާސިމަށް ޖޭޕީގެ ރިޔާސީ ޓިކެޓު ވަނީ ކަށަވަރުވެފައެވެ.
ޤާސިމަށް ރިޔާސީ އިންތިޚާގައި ރައީސް ޞާލިހާއިއެކު މަސައްކަތް ކުރެއްވުމުގެ ދައުވަތު ދިން ނަމަވެސް ރައީސް ޞާލިހާއިއެކު ރިޔާސީ އިންތިޚާބުގައި މަސައްކަތް ނުކުރައްވާނެކަން ރަސްމީކޮށް ވަނީ އަންގާފައެވެ. އަދި ރައީސް ޞާލިހާއި މިސަރުކާރުން ވަނީ ވީ ވައުދާއި ޚިލާފްވެފައިކަމަށް ޤާސިމް ވަނީ ވިދާޅުވެފައެވެ.
— Hussain Rasheed (@Sanghr70Rasheed) June 4, 2023
ރިޔާސީ އިންތިހާބުގައި ވާދަކުރައްވާނެކަން މިހާތަނަށް އިއުލާންކުރައްވާފައި ވަނީ ރައީސް އިބްރާހިމް މުހައްމަދު ސޯލިހް އާއި ކުރީގެ ބަންޑާރަ ނައިބު ޑރ. މުހައްމަދު މުނައްވަރާއި ކުރީގެ ހޯމް މިނިސްޓަރު އުމަރު ނަސީރެވެ. އިދިކޮޅު އެންމެ ބޮޑު ޕީޕީއެމުން ބުނަނީ ޖަލު ހުކުމެއްގައި ހުއްޓަސް، އެ ޕާޓީގެ ރިޔާސީ ކެންޑިޑޭޓަކީ ކުރީގެ ރައީސް ޔާމީން ކަމަށެވެ.
One Response
ރިއާސީ ޓިކެޓާއެކު ރަޖާގަޑެއްވެސް ޖެހޭނެ އަރުވަން